Kim-Ju-Ae | ట్యాంక‌ర్‌పై కిమ్‌-జు-యే షికారు.. ఫొటోలు చ‌క్క‌ర్లు

త్రినేత్ర‌.న్యూస్‌: ఇటీవ‌ల రైఫిళ్లను ఎక్కుపెట్టి అంద‌రి దృష్టిని ఆకర్షించిన ఉత్తరకొరియా (North Korea) అధినేత కిమ్‌ జోంగ్‌ ఉన్ (Kim Jong Un) కుమార్తె కిమ్‌-జు-యే (Kim Ju Ae) మరోసారి వార్తల్లో నిలిచారు. తాజాగా తన తండ్రి కిమ్‌తో కలిసి ఓ ట్యాంకర్‌పై షికారు చేశారు. ఇందుకు సంబంధించిన‌ ఫొటోలు సోష‌ల్ మీడియాలో వైర‌ల‌వుతున్నాయి.

కిమ్ తన కుమార్తెతో కలిసి ఓ ఆర్మీ ట్రైనింగ్‌ యూనిట్‌లో పర్యటించి దళాల‌ లైవ్‌ ఫైరింగ్‌ డ్రిల్స్‌ను పర్యవేక్షించారు. యుద్ధ సన్నాహాలను పూర్తి చేయాలని చెప్పిన‌ట్లు స్థానిక మీడియా తెలిపింది. ట్యాంక‌రుపై షికారుకు వెళ్లిన ఫొటోలను సైతం విడుదల చేసింది. కిమ్ జు యే కేవ‌లం త‌ల భాగ‌మే క‌నిపిస్తుండ‌గా కిమ్ ట్యాంకర్‌పై నవ్వుతూ కూర్చొని క‌నిపించారు. 13 ఏళ్ల కిమ్‌-జు-యే త‌ర‌చూ తన తండ్రితో పాటు అనేక కార్యక్రమాలకు హాజ‌ర‌వుతూ వస్తోంది. దీనిపై ఇంత‌కు ముందే దక్షిణ కొరియా నిఘా సంస్థ కూతురును వార‌సురాలిగా ప్ర‌క‌టించే అవ‌కాశం ఉంద‌ని వెల్ల‌డించింది. అయితే కిమ్ మాత్రం ఇప్పటివరకు ఎలాంటి ప్రకటన చేయక‌పోవ‌డం గ‌మ‌నార్హం.