Indigo | కొన‌సాగుతున్న ఇండిగో విమానాల ర‌ద్దు

Indigo | ఇండిగో (Indigo) సంక్షోభం (Crisis) నేప‌థ్యంలో దేశ‌వ్యాప్తంగా వివిధ విమానాశ్ర‌యాల (Airport) నుంచి ఇండిగో విమానాల ర‌ద్దు కొన‌సాగుతోంది. సంక్షోభం ప్రారంభ‌మై ఎనిమిద‌వ రోజైన మంగ‌ళ‌వారం దేశ‌వ్యాప్తంగా సుమారు 300 పైగా విమానాల‌కు ఇప్ప‌టి వ‌ర‌కు ర‌ద్దు చేశారు. శంషాబాద్ విమానాశ్ర‌యం నుంచి మొత్తం 58 విమానాలు ర‌ద్ద‌య్యాయి. అందులో ఇక్క‌డ బ‌య‌ల్దేరే విమానాలు 44 కాగా, ఇక్క‌డికి వ‌చ్చే విమానాలు 14. ఒక‌వైపు ప‌రిస్థ‌తిని చ‌క్క‌దిద్దుతున్న‌ట్లు ఇండిగో విమాన‌యాన సంస్థ ప్ర‌క‌టించిన‌ప్ప‌టికీ అది ఇంకా పూర్తి స్థాయిలో కార్య‌రూపం దాల్చ‌లేదు. ఇండిగో వింట‌ర్ షెడ్యూల్‌లో అయిదు శాతం కోత విధిస్తున్న‌ట్లు కేంద్ర విమాన‌యాన శాఖ (Civil Aviation) మంత్రి రామ్మోహ‌న్‌నాయుడు ప్ర‌క‌టించారు. ఆ స్లాట్ల‌ను ఇత‌ర విమాన‌యాన సంస్థ‌ల‌కు కేటాయిస్తామ‌ని చెప్పారు. ఇండిగో విమానాల‌లో న‌వంబ‌ర్ 21వ తేదీ నుంచి ఈ నెల 7వ తేదీ వ‌ర‌కు మొత్తం 9,55,591 విమాన టికెట్లు ర‌ద్దు చేయ‌గా, వాటిలో రూ.827 కోట్లు రిఫండ్ చేసిన‌ట్లు సంబంధిత వ‌ర్గాలు వెల్ల‌డించాయి. మిగిలిన‌వి ఈ నెల 15వ తేదీలోగా రిఫండ్ చేయ‌నున్న‌ట్లు తెలిపారు.