Gopichand | గోపీచంద్ హిస్టారిక‌ల్ మూవీ టైటిల్ ఇదే – క్రీస్తు శ‌కం 642లో ఏం జ‌రిగింది?

Gopichand |  హిట్టు కోసం చాలా కాలంగా వెయిటింగ్‌లో ఉన్నాడు గోపీచంద్‌. క‌థ‌, పాత్ర‌ల ప‌రంగా కొత్త‌గా అడుగులు వేస్తోన్న విజ‌యం మాత్రం ద‌క్క‌డం లేదు. కెరీర్‌లో ఫ‌స్ట్ టైమ్ గోపీచంద్ ఓ హిస్టారిక‌ల్ మూవీ చేస్తోన్నాడు. ఘాజీ ఫేమ్ సంక‌ల్ప్ రెడ్డి ద‌ర్శ‌క‌త్వం వ‌హిస్తున్న ఈ సినిమా టైటిల్‌ను సోమ‌వారం రివీల్ చేశారు. ఓ వీడియో గ్లింప్స్‌ను విడుద‌ల చేశారు. ఈ సినిమాకు భ‌ర‌త వ‌ర్ష అనే టైటిల్ ఖ‌రారు చేశారు.

642వ సంవ‌త్స‌రంలో...

యాక్ష‌న్ అంశాల‌తో గ్లింప్స్ ఆస‌క్తిని పంచుతోంది. క్రీస్తు శ‌కం 642 సంవ‌త్స‌రంలో శూల అనే ప్రాంతం చుట్టూ ఈ క‌థ సాగ‌నున్న‌ట్లు గ్లింప్స్‌లో చూపించారు. ఎత్తైన ప‌ర్వ‌తాలు ఉన్న ఓ ప్రాంతంలో త‌న‌పై దాడికి వ‌చ్చిన శ‌త్రువుల‌ను ఎదుర్కొంటూ ఈ గ్లింప్స్‌లో ఓ యోధుడిగా గోపీచంద్ క‌నిపించారు. యుద్ధ స‌న్నివేశాలు, విజువ‌ల్స్ తో పాటు గోపీచంద్ లుక్‌, క్యారెక్ట‌రైజేష‌న్ చాలా డిఫ‌రెంట్‌గా ఉన్నాయి. ఈ సినిమా కోసం అత‌డు మేకోవ‌ర్ అయిన తీరు ఆక‌ట్టుకుంటోంది.చ‌రిత్ర‌లో మ‌రుగున ప‌డిన ఓ యోధుడి క‌థ‌తో ద‌ర్శ‌కుడు సంక‌ల్ప్‌రెడ్డి భ‌ర‌త‌వ‌ర్ష‌ సినిమాను తెర‌కెక్కిస్తోన్నారు. షూటింగ్ తుది ద‌శ‌కు చేరుకుంది. ఈ ఏడాదే భ‌ర‌త వ‌ర్ష‌ ప్రేక్ష‌కుల ముందుకు రాబోతుంది.

రీతూ వ‌ర్మ‌...

భ‌ర‌త వ‌ర్ష మూవీలో గోపీచంద్‌కు జోడీగా రీతూ వ‌ర్మ హీరోయిన్‌గా న‌టిస్తోంది. ఇందులో రీతూ వ‌ర్మ పాత్ర కూడా యాక్ష‌న్ ప్ర‌ధానంగానే సాగ‌నున్న‌ట్లు స‌మాచారం. ఈ సినిమాకు అనుదీప్ దేవ్ మ్యూజిక్ అందిస్తున్నారు. సౌంద‌ర‌రాజ‌న్ సినిమాటోగ్ర‌ఫీ స‌మ‌కూర్చుతున్నారు. శ్రీనివాస చిట్టూరి నిర్మిస్తున్నారు. గోపీచంద్ హీరోగా న‌టిస్తున్న 33వ సినిమా ఇది.