Indigo | అధిక‌ ధ‌ర‌ల వ‌సూలుపై కేంద్రం సీరియ‌స్‌… ధ‌ర‌ల క‌ట్ట‌డి

దేశీయ విమాన‌యాన సంస్థ ఇండిగో ఎయిర్‌లైన్స్ (Indigo Airlines) సంక్షోభం నేప‌థ్యంలో ఇత‌ర విమాన‌యాన సంస్థ‌లు (Airlines) అధిక ధ‌ర‌లు వ‌సూలు చేయ‌డంపై కేంద్ర ప్ర‌భుత్వం (Central Govt.) సీరియ‌స్ అయ్యింది. మ‌రో మూడు రోజుల్లో విమానాలు పూర్తి స్థాయిలో న‌డుస్తాయ‌ని, అప్ప‌టి వ‌ర‌కు ప్ర‌యాణీకుల నుంచి అద‌న‌పు ఫీజులు వ‌సూలు చేయ‌వ‌ద్ద‌ని ఆదేశించింది. విమానాల టికెట్ల ధ‌ర‌లు పెంచ‌కుండా ప‌రిమితులు విధిస్తూ ఇత‌ర విమాన‌యాన సంస్థ‌ల‌కు ఉత్త‌ర్వులు జారీ చేసింది.

అదునుచూసి వీర‌బాదుడు బాదుతున్న ఇత‌ర విమాన‌యాన సంస్థ‌లు

ఒక‌వైపు ఇండిగో (Indigo) విమానాలు ర‌ద్ద‌వుతుండ‌డంతో ఇదే అదునుగా ఇత‌ర విమాన‌యాన సంస్థ‌లు బ‌రితెగించి, ఇబ్బ‌డిముబ్బ‌డిగా టికెట్ ధ‌ర‌లు నిర్ణ‌యించాయి. సాధార‌ణ విమాన చార్జీతో పోలీస్తే కొన్ని రూట్ల‌లో 20 రెట్ల‌కు పైగా చార్జీల‌ను పెంచి ప్ర‌యాణీకుల నుంచి వ‌సూలు చేశాయి. లండ‌న్‌కు క‌నీస విమాన టికెట్ ధ‌ర దాదాపు రూ.30 వేలు ఉండ‌గా, హైద‌రాబాద్ నుంచి ఢిల్లీకి టికెట్ ధ‌ర రూ.80 వేలు ఉండ‌డంపై ప్ర‌యాణీకుల నుంచి తీవ్ర విమ‌ర్శ‌లు వెల్లువెత్తాయి.

నిబంధ‌న‌లు ఇలా...

కిలోమీట‌ర్ల ఆధారంగా గ‌రిష్ఠ ధ‌ర‌ల‌ను నిర్ణ‌యించింది.
500 కిలోమీట‌ర్ల దూరానికి గ‌రిష్ఠ ధ‌ర రూ.7,500
1000 కిలోమీట‌ర్ల దూరానికి గ‌రిష్ఠ ధ‌ర రూ.12,000
1500 కిలోమీట‌ర్ల దూరానికి గ‌రిష్ఠ ధ‌ర రూ.18,000
ఈ ప‌రిమితులు బిజినెస్ క్లాస్ (business Class), రీజ‌న‌ల్ క‌నెక్టివిటీ స్కీమ్ (ఆర్‌సీఎస్‌) (RCS), ఉడాన్ (ఉడె దేశ్ కా ఆమ్ నాగ‌రిక్‌) (UDAN) విమానాల‌కు వ‌ర్తించ‌వ‌ని తెలిపింది.