George Kurian | కేంద్ర మంత్రి జార్జ్ కురియన్ రాజీనామా

George Kurian | కేంద్ర మైనారిటీ వ్య‌వ‌హారాల శాఖ స‌హాయ మంత్రి జార్జ్ కురియ‌న్ (George Kurian) త‌న ప‌ద‌వికి రాజీనామా చేశారు. రాజ్య‌స‌భ (Rajya Sabha) ప‌ద‌వీ కాలం ముగియ‌డంతో మంత్రి మండ‌లికి కురియ‌న్ రాజీనామా చేశారు. కురియ‌న్ రాజీనామాని రాష్ట్ర‌ప‌తి ద్రౌప‌ది ముర్ము (President Murmu) ఆమోదించిన‌ట్లు రాష్ట్ర‌ప‌తి భ‌వ‌న్ మంగ‌ళ‌వారం ఓ ప్ర‌క‌ట‌న‌లో తెలిపింది. కురియ‌న్ మైనారిటీ వ్య‌వ‌హారాల‌తోపాటూ కేంద్ర మ‌త్స్య‌, ప‌శుసంవ‌ర్ధ‌క‌, డెయిరింగ్ శాఖ స‌హాయ మంత్రిగా కూడా బాధ్య‌త‌లు నిర్వ‌హిస్తున్నారు.

పీటీఐ నివేదిక ప్ర‌కారం.. కేంద్ర మంత్రివ‌ర్గంలో ఏకైక క్రిస్టియ‌న్ మంత్రి కురియ‌నే. ఆయ‌న రాజ్య‌స‌భ ప‌ద‌వీ కాలం జూన్ 21తో ముగిసింది. ఇటీవ‌లే జ‌రిగిన రాజ్య‌స‌భ ఎన్నిక‌ల్లో బీజేపీ అధిష్టానం ఆయ‌న‌ను రాజ్య‌స‌భ‌కు నామినేట్ చేయ‌లేదు. దీంతో ఆయ‌న రాజీనామా చేశారు. కురియ‌న్‌తోపాటూ మ‌రో మంత్రి ర‌వ్‌నీత్ సింగ్ బిట్టుని కూడా ఈసారి రాజ్య‌స‌భ‌కు నామినేట్ చేయ‌లేదు.

65 ఏళ్ల కురియన్.. 1980లో బీజేపీ స్థాపించినప్పటి నుంచీ పార్టీలో సభ్యుడిగా ఉన్నారు. బీజేపీ జాతీయ కార్యవర్గ కమిటీ సభ్యుడిగా, భారతీయ జనతా యువమోర్చా (BJYM) జాతీయ ఉపాధ్యక్షుడిగా, బీజేపీ కేరళ రాష్ట్ర యూనిట్ ఉపాధ్యక్షుడిగా వివిధ హోదాల్లో పనిచేశారు. ఆయన సుప్రీంకోర్టులో న్యాయవాదిగా కూడా ప్రాక్టీస్ చేశారు. జూన్ 9, 2024న కేంద్ర సహాయ మంత్రిగా ప్రమాణ స్వీకారం చేశారు. అంత‌కంటే ముందు కురియన్ జాతీయ మైనారిటీ కమిషన్ వైస్-చైర్మన్‌గా కూడా సేవలు అందించారు.

Also Read..

ఏఐ ఎఫెక్ట్‌.. 12 నెల‌ల్లో 21,000 మందిని తొల‌గించిన ఒరాకిల్‌.. భ‌విష్య‌త్తులో మ‌రిన్ని కోత‌లు

చిరు లీక్స్ ... సమంత జీవితంలోని గుడ్ న్యూస్‌ను బయటపెట్టిన మెగాస్టార్‌

వాట్సాప్‌లో కొత్త మాల్‌వేర్ ముప్పు.. ఈ ఫైళ్ల‌ను ఓపెన్ చేస్తే మీ కంప్యూటర్ హ్యాకర్ల చేతిలో..