Jagannath Rath Yatra | ఘ‌నంగా జ‌గ‌న్నాథుడి ర‌థ‌యాత్ర‌.. భ‌క్తుల‌తో కిక్కిరిసిన పూరీ క్షేత్రం

Jagannath Rath Yatra | ఏటా ఆషాఢ శుద్ధ విదియ నాడు అత్యంత ప్రతిష్టాత్మకంగా నిర్వహించే పూరీ జగన్నాథుని రథయాత్ర (Jagannath Rath Yatra) గురువారం ఘ‌నంగా ప్రారంభమైంది. ర‌థ‌యాత్ర‌ను క‌నులారా వీక్షించేందుకు దేశం న‌లుమూల‌ల నుంచి ల‌క్ష‌లాది మంది భక్తులు త‌ర‌లి వ‌చ్చారు. దీంతో పూరీ (Puri) క్షేత్రం మొత్తం భక్తులతో కిక్కిరిసిపోయింది. వేల సంఖ్యలో భక్తులు ‘జై జగన్నాథ్‌’, ‘హరిబోల్‌’ నినాదాలతో రథం వెంట నడుస్తూ ముందుకు సాగుతున్నారు.

ఏడాదికి ఒకసారి గర్భగుడి నుంచి బయటకు వచ్చి గుండిచా ఆలయంలోని తన అత్తవారింటికి వెళ్లే జగన్నాథుడిని దర్శించుకునేందుకు భక్తులు భారీ సంఖ్యలో తరలివచ్చారు. ప్ర‌స్తుతం పూరీ క్షేత్రంలో భారీ వ‌ర్షం కురుస్తోంది. అయినా భ‌క్తులు వెన‌క్కి త‌గ్గ‌డం లేదు. జగన్నాథుడు (Lord Jagannath), బలభద్రుడు (BalaBhadra), సుభద్రా దేవి (Subhdra Devi) కొలువై ఉన్న రథాలను లాగేందుకు భక్తులు వ‌ర్షంలోనూ గొడుగులు ప‌ట్టుకుని మ‌రీ పోటీపడ్డారు. జగన్నాథుడు, బలభద్రుడు, తమ సోదరి సుభద్ర దేవిలతో కలిసి పెంచిన తల్లి గుండిచా ఆలయానికి ఊరేగింపుగా చేరుకుని.. అక్కడ వారం రోజుల పాటు విశ్రాంతి తీసుకుంటారు. ఆ తర్వాత తిరిగి ఆలయానికి వస్తారు. ఈ యాత్రను చూడటం భ‌క్తులు అదృష్టంగా భావిస్తారు.

An ocean of devotion, a tide of faith. 🙏

Thousands of devotees come together for the sacred #RathYatra , celebrating timeless traditions, unity and unwavering devotion. May Lord Jagannath bless everyone with peace, prosperity and happiness.#RathYatra #JaiJagannath…

— Bengal's untold tales (@Gramergolpo) July 16, 2026

ఈ యాత్ర సంద‌ర్భంగా అధికారులు ప్ర‌త్యేక ఏర్పాట్లు చేశారు. ఎక్కడా ఎలాంటి అవాంఛనీయ ఘటనలూ జరగకుండా అధికార యంత్రాంగం విస్తృత ఏర్పాట్లు చేసింది. వేల సంఖ్య‌లో పోలీసులు, కేంద్ర బ‌ల‌గాలు మోహ‌రించారు. కెమెరాలు, డ్రోన్ల ద్వారా రద్దీ నియంత్రణకు ప్ర‌భుత్వ యంత్రాంగం ఏర్పాట్లు చేసింది. హరినామ స్మరణలు, స్వామి నామ సంకీర్తనలు, రథాల చక్రాల కదలికల మధ్య పూరీ వీధులు ఆధ్యాత్మిక శోభను సంతరించుకున్నాయి.

An ocean of devotion, a tide of faith. 🙏

Thousands of devotees come together for the sacred #RathYatra , celebrating timeless traditions, unity and unwavering devotion. May Lord Jagannath bless everyone with peace, prosperity and happiness.#RathYatra #JaiJagannath pic.twitter.com/UPKxVXCGX4

— Venkataraju V (@venkataraju123) July 16, 2026

ఆక‌ట్టుకుంటున్న సైక‌త శిల్పం..

ఈ ప్ర‌త్యేక సంద‌ర్భాన్ని పుర‌స్క‌రించుకొని పూరీ తీరంలో ఒడిశాకు చెందిన‌ ప్ర‌ముఖ సైక‌త శిల్పి సుద‌ర్శ‌న్ ప‌ట్నాయ‌క్ రథయాత్రను ప్రతిబింబించేలా రూపొందించిన సైక‌త శిల్పం ఆక‌ట్టుకుంటోంది. వంద రథాలతో కూడిన ఈ సైకత శిల్పం రూపకల్పనలో రకరకాల రంగులను పట్నాయక్‌ వినియోగించారు.

Jai Jagannath! 🙏
On the auspicious occasion of #RathYatra, I created a sand sculpture of Mahaprabhu Shree Jagannath with hundred chariots at Puri Beach, Odisha. May the divine blessings of the Lord bring peace, joy, and prosperity to all. 🙏#HappyRathYatra
#RathYatra2026… pic.twitter.com/FH9jmAwdnQ

— Sudarsan Pattnaik (@sudarsansand) July 16, 2026

#WATCH | Odisha | Nandighosha, Darpadalana, and Taladhwaja - the three chariots of Lord Jagannath, Lord Balabhadra and Goddess Subhadra at Singhadwara of Puri Jagannath temple for the Rath Yatra, which begins today. pic.twitter.com/9cKdLG8BBR

— ANI (@ANI) July 16, 2026