Prabhas Fauzi | అఫీషియ‌ల్ – ఫౌజీ రిలీజ్ డేట్ ఫిక్స్ – యుద్ధ‌భూమిలో వీరుడిగా ప్ర‌భాస్ – పోస్ట‌ర్ వైర‌ల్‌

Prabhas Fauzi |  ప్ర‌భాస్ పాన్ ఇండియ‌న్ మూవీ ఫౌజీ రిలీజ్ డేట్ అఫీషియ‌ల్‌గా ఫిక్స‌య్యింది. హిస్టారిక‌ల్ యాక్ష‌న్ ల‌వ్‌స్టోరీగా తెర‌కెక్కుతోన్న ఈ సినిమాకు హ‌ను రాఘ‌వ‌పూడి ద‌ర్శ‌క‌త్వం వ‌హిస్తున్నారు. ఫౌజీ మూవీతో సోష‌ల్ మీడియా ఇన్‌ప్లూయెన్స‌ర్ ఇమాన్వీ ఇస్మాయిల్ హీరోయిన్‌గా టాలీవుడ్‌లోకి అరంగేట్రం చేస్తోంది.

యుద్ధ‌భూమిలో....

ఫౌజీ మూవీపై అదిరిపోయే అప్‌డేట్ వ‌చ్చేసింది. గురువారం ఈ పాన్ ఇండియ‌న్ మూవీ విడుద‌ల తేదీని వెల్ల‌డించిన మేక‌ర్స్ ఓ పోస్ట‌ర్‌ను రిలీజ్ చేశారు. ఈ ఏడాది డిసెంబ‌ర్ 3న ఈ హిస్టారిక‌ల్ యాక్ష‌న్ మూవీని ప్రేక్ష‌కుల ముందుకు తీసుకురాబోతున్న‌ట్లు ప్ర‌క‌టించారు. పోస్ట‌ర్‌లో యుద్ధ భూమిలో ఒంటినిండా గాయాల‌తో ప్ర‌భాస్ క‌నిపిస్తున్నారు. అత‌డి చుట్టూ వంద‌లాది శ‌వాలు ఉన్నాయి. ప్ర‌భాస్ చేతిలో పాత కాలం నాటి తుపాకీ ఉంది. ఒంట‌రిగా పోరాడే ఓ సైనికుడు అంటూపోస్ట‌ర్‌పై ఉన్న క్యాప్ష‌న్ ఆస‌క్తిని పంచుతోంది. ఆ ప‌క్క‌నే మోస్ట్ వాంటెడ్ సిన్స్ 1932 అనే స్టాంప్ కూడా ఉండ‌టం ఆక‌ట్టుకుంటోంది. ఈ పోస్ట‌ర్ సోష‌ల్ మీడియాలో వైర‌ల్ అవుతోంది.

నాలుగు వంద‌ల కోట్ల బ‌డ్జెట్‌తో...

ఫౌజీలో బాలీవుడ్ సీనియ‌ర్ యాక్ట‌ర్లు మిథున్ చ‌క్ర‌వ‌ర్తి, అనుప‌మ్ ఖేర్ తో పాటు జ‌య‌ప్ర‌ద‌ కీల‌క పాత్ర‌ల్లో న‌టిస్తున్నారు. తెలుగుతో పాటు మ‌రో నాలుగు భాష‌ల్లో ఈ సినిమా రిలీజ్ కాబోతుంది. విశాల్ చంద్ర‌శేఖ‌ర్ మ్యూజిక్ అందిస్తున్నాడు.

సీనియ‌ర్ యాక్ట‌ర్లు...

ఫౌజీలో బాలీవుడ్ సీనియ‌ర్ యాక్ట‌ర్లు మిథున్ చ‌క్ర‌వ‌ర్తి, అనుప‌మ్ ఖేర్ కీల‌క పాత్ర‌ల్లో న‌టిస్తున్నారు. తెలుగుతో పాటు మ‌రో నాలుగు భాష‌ల్లో ఈ సినిమా రిలీజ్ కాబోతుంది. విశాల్ చంద్ర‌శేఖ‌ర్ మ్యూజిక్ అందిస్తున్నాడు.

క‌ల్కి 2...స్పిరిట్‌...

ప్ర‌స్తుతం ఫౌజీతో పాటు స్పిరిట్‌, క‌ల్కి 2 సినిమాలు చేస్తున్నాడు ప్ర‌భాస్‌. స్పిరిట్ మూవీకి సందీప్ వంగా ద‌ర్శ‌క‌త్వం వ‌హిస్తున్నారు. హై ఇంటెన్స్ యాక్ష‌న్ థ్రిల్ల‌ర్‌గా తెర‌కెక్కుతోన్న ఈ సినిమాలో త్రిప్తి డిమ్రి హీరోయిన్‌గా న‌టిస్తోంది. వ‌చ్చే ఏడాది మార్చిలో స్పిరిట్ థియేట‌ర్ల‌లోకి రాబోతుంది.