Road Crash | బారికేడ్ల‌ను త‌ప్పించ‌బోయి.. దుకాణాల‌పై దూసుకెళ్లిన ట్యాంక‌ర్.. వీడియో

Road Crash | త్రినేత్ర‌.న్యూస్‌: ప‌శ్చిమ‌బెంగాల్‌లోని (West Bengal) హ‌ల్దియాలో ఓ ట్యాంక‌ర్ బీభ‌త్సం (Road Crash) సృష్టించింది. బారికేడ్ల‌ను త‌ప్పించబోయిన డ్రైవ‌ర్ లారీపై అదుపు కోల్పోయాడు. దీంతో రోడ్డు ప‌క్క‌నున్న‌ షాపుల‌పైకి లారీ దూసుకెళ్లింది. ఈ ప్ర‌మాదంలో ఓ వ్య‌క్తి మ‌ర‌ణించ‌గా ప‌లువురు తీవ్రంగా గాయ‌ప‌డ్డారు.

హ‌ల్దీలో జాతీయ ర‌హ‌దారి 116పై పాద‌చారులు రోడ్డు దాటేందుకు అనుకూలంగా పోలీసులు బారికేడ్లు ఏర్పాటు చేశారు. ప్ర‌జ‌లు రోడ్డు దాటుతున్నారు. ఆ స‌మ‌యంలో వేగంగా వ‌చ్చిన లారీ బారికేడ్‌పై దూసుకెళ్తున్న‌ది. అప్ర‌మ‌త్త‌మైన డ్రైవ‌ర్ దానిని త‌ప్పించ‌బోయి ట్యాంక‌ర్‌ను కుడివైపు మ‌లిపాడు. దీంతో అది డివైడ‌ర్‌పై వెళ్ల‌డంతో మ‌రోసారి ఎడ‌మ‌వైపు తిప్పాడు. అప్ప‌టికే వేగంగా ఉన్న ఆ వాహ‌నం అదుపుత‌ప్ప‌డంతో రోడ్డు ప‌క్క‌నే ఉన్న షాపుల‌పైకి దూసుకెళ్లింది. అదేస‌మ‌యంలో రోడ్డు దాటుతున్న పాద‌చారుల్లో ఒక‌రు మ‌ర‌ణించ‌గా, ప‌లువురు తీవ్రంగా గాయ‌ప‌డ్డారు. ప‌దుల సంఖ్యలో దుకాణాలు ధ్వంస‌మ‌య్యాయి. ఇదంతా రోడ్డుపై ఏర్పాటుచేసి సీసీ కెమెరాల్లో రికార్డ‌యింది. ప్ర‌స్తుత ఈ వీడియో సోష‌ల్ మీడియాలో వైర‌ల్ అవుతున్న‌ది.

https://x.com/Deadlykalesh/status/2026265642584998024