SSC GD Exam | SSC GD కానిస్టేబుల్ పరీక్ష వాయిదా..

SSC GD Exam | త్రినేత్ర‌.న్యూస్‌: స్టాఫ్ సెలెక్ష‌న్ క‌మిష‌న్ (SSC) ప‌రీక్ష‌లకు సిద్ధ‌మ‌వుతున్న అభ్య‌ర్థుల‌కు అల‌ర్ట్‌. ఎస్ఎస్సీ జీడీ (SSC GD) కానిస్టేబుల్ నియామ‌క ప‌రీక్ష (SSC GD Exam) వాయిదా ప‌డింది. షెడ్యూల్ ప్ర‌కారం ఈ నెల 23న ప‌రీక్ష జ‌ర‌గాల్సి ఉంది. అయితే అనివార్య కార‌ణాల వ‌ల్ల కంప్యూట‌ర్ బేస్డ్ ఎగ్జామ్‌ను వాయిదా వేస్తున్న‌ట్లు ఎస్ఎస్సీ ప్ర‌క‌టించింది. మ‌ళ్లీ ప‌రీక్ష‌ను ఎప్పుడు నిర్వ‌హిస్తామ‌నేది SSC అధికారిక వెబ్‌సైట్ ssc.gov.inలో త్వరలో వెల్ల‌డిస్తామ‌ని తెలిపింది. అదేవిధంగా ఈ నియామక పరీక్షకు అభ్యర్థులకు సెల్ఫ్-స్లాట్ బుకింగ్ చేసుకునే అవకాశం లేదని పేర్కొంది.

ఈ ప‌రీక్ష‌కు సంబంధించిన‌ అడ్మిట్ కార్డ్ ఎగ్జామ్‌ తేదీకి రెండు మూడు రోజుల ముందు విడుదల అవుతుంది. అభ్యర్థులు వెంటనే వారి లాగిన్ వివరాలను నమోదు చేసి అడ్మిట్ కార్డ్ లేదా సిటీ స్లిప్‌ను డౌన్‌లోడ్ చేసుకోవచ్చు. ఈ నోటిఫికేష‌న్ ద్వారా సీఏఎస్ఎఫ్, అస్సా రైఫిల్స్‌లో మొత్తం 25,487 కానిస్టేబుల్ పోస్టులను భర్తీ చేస్తారు. ద‌ర‌ఖాస్తు ప్ర‌క్రియ 2025 డిసెంబ‌ర్ 31న ముగిసింది. పోస్టుల వారీగా నియామక వివరాలు..

• బీఎస్ఎఫ్- 616 పోస్టులు
• సీఐఎస్ఎఫ్- 14595 ఖాళీలు
• సీఆర్‌పీఎఫ్- 5490 పోస్టులు
• ఎస్ఎస్‌బీ- 1764 పోస్టులు
• ఐటీబీపీ- 1293 పోస్టులు
• ఏఆర్- 1706 పోస్టులు
• ఎస్ఎస్ఎఫ్- 23 పోస్టులు