Residential School | రెసిడెన్షియ‌ల్ స్కూల్‌ హాస్ట‌ల్‌లో పాము.. నిద్రిస్తున్న న‌లుగురు బాలికల‌కు కాటు..

Residential School | త్రినేత్ర‌.న్యూస్‌: జార్ఖండ్‌లోని (Jharkhand) లోహ‌ర్ద‌గాలో విషాదం చోటుచేసుకుంది. ఓ ప్రైవేటు రెసిడెన్షియ‌ల్ పాఠ‌శాల (Residential School) హాస్ట‌ల్‌లోకి ప్ర‌వేశించిన పాము (Snake).. నిద్ర‌లో ఉన్న న‌లుగురు విద్యార్థుల‌ను (Sleeping Students) కాటేసింది. దీంతో ఒక‌రు మృతిచెందారు. రోకో మ‌హౌటోలిలోని శాన్వ‌సిరా హ‌య్య‌ర్ సెకండ‌రీ రెసిడెన్షియ‌ల్ స్కూల్‌లో ఈ ఘ‌ట‌న జ‌రిగింది.

బాలిక హాస్ట‌ల్‌లో విద్యార్థినులు రాత్రి భోనజ‌నం చేసిన త‌ర్వాత నిద్ర‌కు ఉప‌క్ర‌మించారు. ఈ క్ర‌మంలో రాత్రి 11 గంట‌ల సమ‌యంలో హాస్ట‌ల్ గ‌దిలోకి ప్ర‌వేశించిన పాము నిద్ర‌లో ఉన్న న‌లుగురు విద్యార్థినుల‌కు కాటేసింది. మొద‌ట 13 ఏండ్ల‌ వ‌ర్ష ఓర‌న్ అనే బాలిక‌ను క‌రవ‌డంతో ఆమెకు విషం ఎక్కింది. ఆ త‌ర్వాత అనీశా ఓరన్‌, మ‌నీషా కుమారి, ఫుల్మానియా ఓర‌న్‌ను క‌రిసింది. దీంతో విద్యార్థినులు కేక‌లు వేయ‌డంతో మేల్కొన్న సిబ్బంది.. వారిని హుటాహుటిన ద‌వాఖానకు త‌ర‌లించారు. అయితే అప్ప‌టికే వ‌ర్ష చ‌నిపోయిన‌ట్లు వైద్యులు నిర్ధారించారు. ఫుల్మినియా ప‌రిస్థితి విష‌మంగా ఉన్న‌ది. దీంతో మెరుగైన వైద్యం కోసం ఆమెను రాంచిలోని రిమ్స్‌కు త‌ర‌లించారు. మిగిలిన ఇద్ద‌రు క్షేమంగానే ఉన్న‌ప్ప‌టికీ, ప్ర‌స్తుతం వైద్యుల ప‌ర్య‌వేక్ష‌ణ‌లో ఉన్నారు.