SBI | ఎస్‌బీఐలో మెడిక‌ల్ ఆఫీస‌ర్ ఉద్యోగాలు.. స్థానిక భాష తెలిసిన‌వారికి ప్రాధాన్యం

SBI | త్రినేత్ర‌.న్యూస్‌: ఇప్ప‌టికే 1500 ప్రొబేష‌న‌రీ ఆఫీస‌ర్ (PO) పోస్టుల భ‌ర్తీకి నోటిఫికేష‌న్ విడుద‌ల చేసిన స్టేట్ బ్యాంక్ ఆఫ్ ఇండియా (SBI).. తాజాగా ఉద్యోగార్ధుల‌కు మ‌రో అప్‌డేట్ ఇచ్చింది. స్పెష‌లిస్ట్ కేడ‌ర్ ఆఫీస‌ర్ (Medical Officer) నియామ‌కాల‌ కోసం అర్హులైన వారి నుంచి ద‌ర‌ఖాస్తులు ఆహ్వానిస్తున్న‌ది. దీనిద్వారా 35 పోస్టుల‌కు రిక్రూట్‌మెంట్ (SBI Recruitment) ప్ర‌క్రియ‌ను ప్రారంభించింది. ఆసక్తి, తగిన అర్హతలు గల అభ్యర్థులు జూలై 14 వరకు ఆన్​లైన్‌లో ద‌ర‌ఖాస్తు చేసుకోవ‌చ్చు. ఎంపికైన వారికి నెలకు రూ.64,820 నుంచి రూ.93,960 వరకు జీతం వస్తుంది. హైద‌ర‌బాద్‌లో కూడా పోస్టులు ఉన్నాయి. నియామ‌క ప్ర‌క్రియ‌ను స్టేట్ బ్యాంక్ ఆఫ్ ఇండియా ముంబై చేప‌ట్టింది.

పోస్టుపేరు: బ్యాంక్ మెడికల్ ఆఫీసర్ (బీఎంఓ-II)
మొత్తం ఖాళీలు: 35

అర్హతలు: ఎంబీబీఎస్, పీజీ డిప్లొమా పూర్తి చేయాలి. క‌నీసం ఐదేండ్ల ఉద్యోగ అనుభవం త‌ప్ప‌నిస‌రి. మే 31, 2026 నాటికి 35 ఏండ్ల వ‌య‌స్సు క‌లిగి, స్థానిక భాష తెలిసి ఉండాలి.

ఎంపిక విధానం: ఆన్‌లైన్ రాత‌ ప‌రీక్ష, ఇంట‌ర్వ్యూ ద్వారా అభ్య‌ర్థుల‌ను ఎంపిక చేస్తారు. ప‌రీక్ష మొత్తం 100 మార్కుల‌కు ఉంటుంది. 90 నిమిషాల్లో ప‌రీక్ష పూర్తి చేయాలి. రీజ‌నింగ్ 15, క్వాంటిటేటివ్ ఆప్టిట్యూడ్ 15, ఇంగ్లిష్ లాంగ్వేజ్ 20, ప్రొఫెష‌న‌ల్ నాలెడ్జ్‌కు సంబంధించి 50 మార్కు ల‌కు ప్ర‌శ్న‌లు అడుగుతారు. ప్ర‌తి త‌ప్పు స‌మాధానానికి కోత విధిస్తారు.

అప్లికేష‌న్ ఫీజు: రూ.750, ఎస్సీ, ఎస్టీ, దివ్యాంగులకు ఎలాంటి ఫీజు లేదు.
దరఖాస్తుకు చివ‌రి తేదీ: జూలై 14
వెబ్‌సైట్‌: https://sbi.bank.in/web/careers/current-openings

పూర్తివివ‌రాల‌కు..