RRB JE Recruitment | రైల్వేలో జూనియ‌ర్ ఇంజినీర్ ఉద్యోగాలు.. 4వేలకుపైగా పోస్టుల‌కు ఆర్ఆర్‌బీ నోటిఫికేష‌న్‌

RRB JE Recruitment | త్రినేత్ర‌.న్యూస్‌: భారతీయ రైల్వే (Indian Railway) లో ఉద్యోగాల కోసం ఎదురుచూస్తున్నవారికి మరో నోటిఫికేషన్ వచ్చేసింది. రైల్వే రిక్రూట్‌మెంట్ బోర్డు (RRB) జూనియర్ ఇంజినీర్ (Junior Engineer) పోస్టుల భర్తీ నియామ‌క ప్రక్రియ ప్రారంభించింది. మొత్తం 4098 ఖాళీల‌తో నోటిఫికేష‌న్ (RRB JE Recruitment) విడుద‌ల చేసింది. ఇందులో జూనియర్ ఇంజినీర్ (JE), డిపో మెటీరియ‌ల్ సూప‌రింటెండెంట్ (DMS), కెమికల్ అండ్‌ మెటలర్జికల్ అసిస్టెంట్ (CMA) పోస్టులు ఉన్నాయి. ఆన్‌లైన్ దరఖాస్తు ప్రక్రియ ఆగ‌స్టు 14 నుంచి ప్రారంభం కానుంది. సెప్టెంబ‌ర్ 13 వ‌ర‌కు rrbcdg.gov.inలో ద‌ర‌ఖాస్తు చేసుకోచ్చు. ఎంపికైన వారు ప్రారంభ వేతనం నెలకు రూ.35,400 అందుకోవ‌చ్చు.

మొత్తం ఖాళీలు: 4098
అర్హ‌తలు: జూనియ‌ర్ ఇంజినీర్ పోస్టుల‌కు సంబంధిత విభాగంలో డిప్లొమా లేదా డిగ్రీ, డీఎంఎస్ పోస్టుల‌కు ఇంజినీరింగ్ లేదా టెక్నిక‌ల్ క్వాలిఫికేష‌న్‌, సీఎంఏ పోస్టుల‌కు కెమిస్ట్రీ లేదా మెట‌ల‌ర్జీ చేసి ఉండాలి. అభ్య‌ర్థులు 18 నుంచి 33 ఏండ్ల‌ మధ్య వయసు ఉండాలి.

ఎంపిక విధానం: స్టేజ్‌-1, స్టేజ్‌-2 కంప్యూటర్‌ ఆధారిత రాత పరీక్షలు, ధ్రువపత్రాల పరిశీలన, రైల్వే మెడికల్‌ టెస్ట్‌ ఆధారంగా. సీబీటీ-1లో 100 ప్ర‌శ్న‌లు, సీబీటీ-2లో 150 ప్ర‌శ్న‌లు అడుగుతారు. ప్ర‌తి ప్ర‌శ్న‌కు ఒక మార్కు. ప్ర‌తి త‌ప్పు స‌మాధానానికి 1/3 మార్కులు కొత విధిస్తారు. ప‌రీక్ష 90 నిమిషాలు, 120 నిమిషాల్లో పూర్తి చేయాలి.

ద‌ర‌ఖాస్తు విధానం: ఆన్‌లైన్‌లో
ద‌ర‌ఖాస్తులు ప్రారంభం: ఆగ‌స్టు 14
అప్లికేష‌న్ల‌కు చివ‌రితేదీ: సెప్టెంబ‌ర్ 13
వెబ్‌సైట్‌: https://www.rrbapply.gov.in/