Petrol Diesel Prices | లీట‌ర్‌పై 90 పైస‌లు.. మ‌ళ్లీ పెరిగిన పెట్రోల్‌, డీజిల్ ధ‌ర‌లు

Petrol Diesel Prices | త్రినేత్ర‌.న్యూస్‌: వాహ‌న‌దారుల‌కు కేంద్రం మ‌రోసారి షాక్ ఇచ్చింది. పెట్రోల్, డీజిల్ ధ‌ర‌ల‌ను (Petrol Diesel Prices) మ‌ళ్లీ పెంచింది. లీట‌రు పెట్రోల్‌, డీజిల్‌పై 90 పైస‌ల చొప్పున భారం మోపించింది. దీంతో ఐదు రోజుల వ్య‌వ‌ధిలో ధ‌ర‌లు పెర‌గ‌డం ఇది రెండోసారి. పెరిగిన ధ‌ర‌లు మంగ‌ళ‌వారం ఉద‌యం నుంచే అమ‌ల్లోకి వ‌చ్చాయి.

తాజా పెంపుతో ఢిల్లీలో లీట‌రు పెట్రోలు ధ‌ర రూ.98.64గా ఉండ‌గా, డీజిల్ రూ.91.58కి పెరిగింది. ముంబైలో పెట్రోలు 91 పైస‌లు పెరిగి రూ.107.59కి చేర‌గా, డీజిల్ 94 పైస‌లు పెరిగి రూ.94.08గా ఉంది. చెన్నైలో రూ.104.49, డీజిల్ రూ.96.11, కోల్‌క‌తాలో పెట్రోల్ రూ.109.70, డీజిల్ రూ.96.07గా ఉంది.

హైద‌రాబాద్‌లో ఎంతంటే.. 

హైద‌రాబాద్‌లో- పెట్రోల్ రూ.111.36, డీజిల్ రూ.99.53
బెంగ‌ళూరు- పెట్రోల్ రూ.106.82, డీజిల్ రూ.94.82
పాట్నా- పెట్రోల్ రూ.109.40, డీజిల్ రూ.95.61
జైపూర్‌- పెట్రోల్ రూ.108.89, డీజిల్ రూ.94.32
తిరువ‌నంత‌పురం- పెట్రోల్ రూ.111.24, డీజిల్ రూ.100.09
చండీగ‌ఢ్‌- పెట్రోల్ రూ.99.16, డీజిల్ రూ.86.28

ఐదు రోజుల క్రిత‌మే..

కాగా, గ‌త శుక్ర‌వారం (ఈ నెల 15) లీట‌రు పెట్రోలు, డీజిల్‌పై రూ.3 చొప్పున పెరిగిన విష‌యం తెలిసిందే. సీఎన్‌జీపై కూడా కిలో లీట‌ర్‌కు రూ.2 పెరిగింది. ఆదివారం మ‌రోసారి రూ.1 చొప్పున దేశీయ చ‌మురు కంపెనీలు వ‌డ్డించాయి. దేశంలో ఇంధ‌న ధ‌ర‌ల పెరుగుద‌ల‌కు ప్ర‌ధాన‌ కార‌ణం ప‌శ్చిమాసియాలో యుద్ధం.