NICL Assistant Recruitment | నేష‌న‌ల్ ఇన్సూరెన్స్‌లో 500 అసిస్టెంట్ ఉద్యోగాలు.. రేప‌టి నుంచి ద‌ర‌ఖాస్తులు..

NICL Assistant Recruitment | త్రినేత్ర‌.న్యూస్‌: నేష‌న‌ల్ ఇన్సూరెన్స్ కంప‌నీ లిమిటెడ్ (NICL) వివిధ విభాగాల్లో అసిస్టెంట్ పోస్టుల (Assistant) భ‌ర్తీకి ద‌ర‌ఖాస్తులు ఆహ్వానిస్తున్న‌ది. మొత్తం 500 అసిస్టెంట్ పోస్టుల‌తో (NICL Assistant Recruitment) నోటిఫికేష‌న్ విడుద‌ల చేసింది. ప్ర‌భుత్వ బీమా రంగంలో ప‌నిచేయాల‌నే ఆస‌క్తి, అర్హ‌త‌ ఉన్న‌వారు జూలై 18 నుంచి అధికారిక వెబ్‌సైట్‌ nationalinsurance.nic.co.in.లో ద‌ర‌ఖాస్తు చేసుకోవ‌చ్చు. రాత‌ప‌రీక్ష ద్వారా అభ్య‌ర్థుల‌ను ఎంపిక చేస్తారు. ఎంపికైన వారికి ప్ర‌తి నెల రూ.36,290 నుంచి రూ.80,615 వ‌ర‌కు జీతం వ‌స్తుంది.

మొత్తం పోస్టులు: 500
అర్హ‌త‌లు: ఏదైనా డిగ్రీ ఉత్తీర్ణులై, స్థానిక భాషలో రాయ‌డం, చ‌ద‌వ‌డం రావాలి. అభ్య‌ర్థులు 21 నుంచి 30 ఏండ్ల మ‌ధ్య వ‌య‌స్కులై ఉండాలి.

ఎంపిక విధానం: ర‌ఆత‌ప‌రీక్ష ద్వారా. రాత‌ప‌రీక్ష రెండు ద‌శ‌ల్లో ఉంటుంది. అనంత‌రం రీజిన‌ల్ లాంగ్వేజ్ టెస్ట్ నిర్వ‌హిస్తారు. అందులో అర్హ‌త సాధించిన వారిని మెడిక‌ల్ ఎగ్జామ్‌నేష‌న్‌కు పిలుస్తారు.

ద‌ర‌ఖాస్తులు ప్రారంభం: జూలై 18
ద‌ర‌ఖాస్తుల‌కు చివ‌రితేదీ: ఆగ‌స్టు 7
ప‌రీక్షతేదీ: ఫేజ్ 1- ఆగ‌స్టు 27న‌, ఫేజ్ 2- అక్టోబ‌ర్ 30న‌
వెబ్‌సైట్‌: https://nationalinsurance.nic.co.in/