Koel Mallick | దీదీకి షాక్‌.. రాజీనామా చేసిన మ‌రో ఎంపీ

Koel Mallick | తృణ‌మూల్ కాంగ్రెస్ పార్టీలో రాజీనామాల ప‌ర్వం కొసాగుతోంది. పార్టీలో కీలక నేతలు, ప్రజాప్రతినిధులు మ‌మ‌తా బెన‌ర్జీ (Mamata Banerjee) నాయకత్వంపై అసంతృప్తి వ్యక్తం చేస్తూ వరుసగా రాజీనామాలు చేస్తున్నారు. ఇప్ప‌టికే ప‌లువురు ఎంపీలు రాజీనామా చేసిన విష‌యం తెలిసిందే. తాజాగా దీదీకి మ‌రో నేత (TMC MP) షాకిచ్చారు.

రాజ్య‌స‌భ ఎంపీ కోయల్‌ మ‌ల్లిక్ (Koel Mallick) పార్టీకి, ఎగువ స‌భ స‌భ్య‌త్వానికి రాజీనామా చేశారు. త‌న రాజీనామా లేఖ‌ను ఉప‌రాష్ట్ర‌ప‌తి, రాజ్య‌స‌భ చైర్మ‌న్ సీపీ రాధాకృష్ణ‌న్‌కు అంద‌జేశారు. త‌న రాజీనామాను ఆమోదించాల‌ని కోరారు. అయితే, రాజీనామాకు గ‌ల కార‌ణాన్ని మాత్రం ఆమె వెల్ల‌డించ‌లేదు. కాగా, ఇప్పటికే ఆ పార్టీ నుంచి దీదీకి అత్యంత నమ్మకస్థుడుగా పేరొందిన‌ సుఖేందు శేఖర్ రాయ్ (Sukhendu Sekhar Roy), ప్రకాశ్ చిక్ బరైక్, సుష్మితా దేవ్ (Sushmita Dev) తమతమ రాజ్యసభ ఎంపీ పదవులకు రాజీనామా చేసిన విష‌యం తెలిసిందే. ఇప్పుడు రాజ్య‌స‌భ నుంచి వైదొలిగిన నాలుగో టీఎంసీ ఎంపీగా కోయల్‌ నిలిచారు. కోయ‌ల్ ఈ ఏడాది ఏప్రిల్‌లోనే పార్ల‌మెంట్ స‌భ్యురాలిగా ప్ర‌మాణ స్వీకారం చేశారు. కేవ‌లం రెండు నెల‌ల్లోనే ఆమె రాజీనామా చేయ‌డం సంచ‌ల‌నంగా మారింది. కోయ‌ల్ రాజీనామాపై దీదీగానీ, తృణ‌మూల్ పార్టీ గానీ అధికారికంగా స్పందించ‌లేదు.

Also Read..

యూజ‌ర్ల‌కు గుడ్ న్యూస్‌.. జీమెయిల్‌లో ఏఐని ఇక కావ‌ల్సిన విధంగా ఉప‌యోగించుకోవ‌చ్చు..

మ‌హాప్ర‌భు జ‌గ‌న్నాథ్ మూవీ రిలీజ్‌పై సుప్రీంకోర్టుకు మేక‌ర్స్‌

రేపు మ‌. 3 గంట‌ల‌కు తెలంగాణ కేబినెట్ స‌మావేశం