Goa Nightclub Fire | క్లబ్ ఓనర్స్ అరెస్ట్.. థాయిలాండ్ నుంచి భారత్‌కి తరలింపు

Goa Nightclub Fire | గోవాలోని ఫేమస్ నైట్ క్లబ్ అయిన బిర్చ్ బై రోమియో లేన్ క్లబ్లో డిసెంబర్ 6న జరిగిన అగ్ని ప్రమాదంలో 25 మంది మృతి చెందిన విషయం తెలిసిందే. ప్రమాదం జరిగిన వెంటనే క్లబ్ ఓనర్స్ సౌరభ్, గౌరవ్ లుత్రా అక్కడి నుంచి తప్పించుకున్నారన్న ఆరోపణలు వెల్లువెత్తుతున్నాయి. ఆ ఘటనలో ప్రధాన నిందితులుగా ఉన్న లుత్రా సోదరులను పోలీసులు థాయిలాండ్లో అదుపులోకి తీసుకున్నారు. వాళ్ల పాస్పోర్ట్ సస్పెండ్ చేశారు. వాళ్లను భారత్కి తీసుకొచ్చే ప్రక్రియ పూర్తయింది. నరహత్య కేసు నమోదు లుత్రా సోదరులపై గోవా పోలీసులు నరహత్య కేసు నమోదు చేశారు. విచారణలో నైట్ క్లబ్లో సరైన అగ్నిమాపక భద్రతా ప్రమాణాలు లేవని గుర్తించారు. సీబీఐ, గోవా పోలీసులు, థాయిలాండ్ పోలీసుల సమన్వయంతో వీరిని భారత్కి రప్పిస్తున్నారు. భారత అధికారుల సమాచారంతో వీరిని థాయిలాండ్ పోలీసులు ఫుకెట్లో అదుపులోకి తీసుకొని వాళ్లను బ్యాంకాక్లో ఉన్న ఇమ్మిగ్రేషన్ కేంద్రానికి తరలించారు. అక్కడి నుంచి ఇప్పుడు వాళ్లు భారత్కి వస్తున్నారు. వీరిని గోవాకు తరలించి అక్కడే వాళ్లపై న్యాయపరమైన చర్యలను పోలీసులు తీసుకోనున్నారు.