Goa Nightclub Fire | బ్యాంకులకు వేల కోట్లు ఎగ్గొట్టి థాయ్‌లాండ్ పారిపోయారా?

Goa Nightclub Fire | గోవా నైట్‌క్లబ్ ఓనర్స్‌ను థాయ్‌లాండ్‌లో పోలీసులు అదుపులోకి తీసుకున్న విషయం తెలిసిందే. మరోవైపు వాళ్లకు ముందస్తు బెయిల్ కావాలని ఢిల్లీలోని రోహిణి కోర్టులో ఇద్దరు అన్నదమ్ముల తరుపు న్యాయవాది తన్వీర్ అహ్మెద్ మిర్ ఇప్పటికే పిటిషన్ దాఖలు చేశారు. సౌరభ్ లుత్రా, గౌరవ్ లుత్రా ఇద్దరి తరుపున విచారణకు హాజరైన అడ్వకేట్ తన్వీర్.. వాళ్లేమీ వేల కోట్లు బ్యాంకులకు ఎగ్గొట్టి థాయ్‌లాండ్ పారిపోలేదని కోర్టుకు తెలిపారు. వాళ్లూ మనుషులే. థాయ్‌లాండ్‌లో తమ బిజినెస్‌ను విస్తరించడానికే వెళ్లారన్నారు.

థాయ్‌లాండ్ బిజినెస్ విస్తరణకు సంబంధించిన కొన్ని ఆధారాల ఫోటోలను కూడా తన్వీర్ కోర్టుకు సమర్పించారు. వాళ్లకు రిలీఫ్ కావాలి. వాళ్లను భారత్‌కు రావడానికి అనుమతించండి. గోవాకు వెళ్లనివ్వండి. అక్కడ లీగల్ ఫార్మాలిటీస్ పూర్తి చేసుకోనివ్వండి. వాళ్లు ఫుకెట్‌కి వెళ్లింది వర్క్ కోసమే. అక్కడ కూడా ఇండియన్స్‌కే వాళ్లు ఉపాధి కల్పించనున్నారు.. అంటూ లుత్రా బ్రదర్స్ తరుపు న్యాయవాది కోర్టుకు విన్నవించారు.