Leopard | బావిలో ప‌డ్డ చిరుత‌.. కాపాడిన అధికారులు.. వీడియో

Leopard | త్రినేత్ర‌.న్యూస్ : ఓ చిరుత పులి వ్య‌వ‌సాయ పొలంలో ఉన్న బావిలో ప్ర‌మాద‌వ‌శాత్తు ప‌డిపోయింది. గ్రామ‌స్తులు, రైతులు స‌కాలంలో స్పందించ‌డంతో ఆ చిరుత ప్రాణాల‌తో బ‌య‌ట‌ప‌డింది. చిరుత‌ను కాపాడిన దృశ్యాలు సామాజిక మాధ్య‌మాల్లో వైర‌ల్ అవుతున్నాయి.

గుజ‌రాత్‌లోని భావ్‌న‌గ‌ర్ జిల్లాలోని ఉమ్రాలా తాలుకా ప‌రిధిలోని ప‌ర్వాలా గ్రామ స‌మీపంలోని ఓ వ్య‌వ‌సాయ బావి వ‌ద్ద‌కు చిరుత వ‌చ్చింది. బావి ఒడ్డున న‌డుచుకుంటూ వెళ్తున్న చిరుత ప్ర‌మాద‌వ‌శాత్తు దాంట్లోకి ప‌డిపోయింది. గ‌మ‌నించిన రైతులు స‌కాలంలో స్పందించి అట‌వీశాఖ అధికారుల‌కు స‌మాచారం అందించారు.

హుటాహుటిన బావి వ‌ద్ద‌కు చేరుకున్న అట‌వీశాఖ అధికారులు.. బావిలో చిక్కుకున్న చిరుత‌ను గ‌మ‌నించారు. దానికి ఎలాంటి గాయాలు కాలేద‌ని నిర్ధారించారు. దీంతో బావిలో ఉన్న చిరుత కాలికి ప‌డేలా తాడును విసిరారు. త‌ద‌నంత‌రం తాడును నెమ్మెదిగా పైకి లాగారు. అప్ప‌టికే బోను ఏర్పాటు చేసి.. అందులోకి చిరుత‌ను లాగేశారు. ఈ ఘ‌ట‌న‌కు సంబంధించిన వీడియో సోష‌ల్ మీడియాలో వైర‌ల్ అవుతుంది. మ‌రి మీరు ఓ లుక్కేయండి..

📍Bhavnagar, Gujarat | Leopard fell into a well; safely rescued by the forest team pic.twitter.com/CgdL87LRbe

— The Tatva (@thetatvaindia) March 25, 2026