PV Kiran | క‌ర్నూల్ మాజీ ఎమ్మెల్యే కుమారుడు మృతి

PV Kiran | త్రినేత్ర న్యూస్ : ఆంధ్ర‌ప్ర‌దేశ్‌లోని క‌ర్నూల్ మాజీ ఎమ్మెల్యే ఎంఏ గ‌ఫూర్( MA Ghafoor ) కుమారుడు పీవీ కిర‌ణ్‌( PV Kiran )(41) అమెరికా( America )లో ప్రాణాలు కోల్పోయారు. అక్టోబ‌ర్ 1వ తేదీన గుండెపోటు( Heart Stroke )తో నిద్ర‌లోనే కిర‌ణ్ చ‌నిపోయిన‌ట్లు కుటుంబ స‌భ్యులు తెలిపారు.

పీవీ కిర‌ణ్ కాలిఫోర్నియాలో సాఫ్ట్‌వేర్ ఇంజినీర్‌గా విధులు నిర్వ‌ర్తిస్తున్నారు. అయితే 1వ తేదీ నుంచి ఆయ‌న ఆఫీసుకు రాక‌పోవ‌డంతో.. కంపెనీ ప్ర‌తినిధులు స్నేహితుల‌ను అల‌ర్ట్ చేశారు. ఆ త‌ర్వాత అత‌ను ఫోన్ కూడా ఎత్త‌క‌పోవ‌డంతో.. రూమ్‌కు వెళ్లి చూడ‌గా, విగ‌త‌జీవిగా ప‌డి ఉన్న కిర‌ణ్‌ను చూసి స్నేహితులు షాక‌య్యారు. దీంతో కుటుంబసభ్యులకు, పోలీసులకు వారు సమాచారం ఇచ్చారు. మృతదేహం కర్నూలుకు తీసుకురావడానికి నాలుగు రోజుల సమయం పడుతుందని సమాచారం. గఫూర్‌ కుమారుడి మరణం పట్ల సీపీఎం పార్టీ సంతాపం తెలిపింది.