Ebola | వెంట‌నే ఐసోలేష‌న్‌లోకి వెళ్లండి.. ఎబోలాపై కేంద్రం కీల‌క అడ్వైజ‌రీ

Ebola | ఆఫ్రికాలోని కాంగో (Congo), ఉగాండా (Uganda) స‌హా ప‌లు దేశాల్లో ప్రాణాంత‌క వైర‌స్ ఎబోలా (Ebola) విజృంభిస్తోంది. వైర‌స్ వ్యాప్తి దృష్ట్యా ప్ర‌పంచ ఆరోగ్య సంస్థ (World Health Organisation) హెల్త్ ఎమర్జెన్సీ ప్రకటించింది. దీంతో ప్ర‌పంచ వ్యాప్తంగా ఆందోళ‌న‌లు వ్య‌క్త‌మ‌వుతున్నాయి. ఈ నేప‌థ్యంలో భార‌త్ అప్ర‌మ‌త్త‌మైంది. ఈ మేర‌కు కీల‌క అడ్వైజ‌రీ జారీ చేసింది (Govt Issues Ebola Warning).

మ‌న దేశంలో ప్ర‌స్తుతం ఎలాంటి ఎబోలా కేసులూ న‌మోదు కాలేద‌ని ప్ర‌భుత్వం స్ప‌ష్టం చేసింది. ఎబోలా ప్ర‌భావిత దేశాల నుంచి లేదా ఆ దేశాల మీదుగా ప్ర‌యాణించిన వారు వ్యాధి ల‌క్షణాలు క‌నిపిస్తే వెంట‌నే ఐసోలేష‌న్‌లో ఉండాల‌ని కేంద్ర ప్ర‌భుత్వం స్ప‌ష్టం చేసింది. ఈ మేర‌కు కేంద్ర ఆరోగ్య‌, కుటుంబ సంక్షేమ మంత్రిత్వ శాఖ (Ministry of Health and Family Welfare) మంగ‌ళ‌వారం కొత్త మార్గ‌ద‌ర్శ‌నాల‌కు జారీ చేసింది.

“మీరు గత 21 రోజుల్లో ఎబోలా ప్రభావిత దేశం నుంచి వ‌చ్చినా లేదా ఆ దేశం మీదుగా ప్రయాణించినా.. ఒకవేళ మీకు జ్వరం, తలనొప్పి, కండరాల నొప్పులు, వాంతులు, విరేచనాలు లేదా ఎలాంటి కారణం లేకుండా రక్తస్రావం కావడం వంటి లక్షణాలు కనిపిస్తే వెంటనే స్వీయ నిర్బంధంలోకి వెళ్లిపోండి. అంతేకాదు, వెంట‌నే ఆరోగ్య అధికారుల‌కు సమాచారం అందించండి. ముందుగానే స‌మాచారం అందించ‌డం వ‌ల్ల ప్రాణాల‌ను కాపాడుకోవ‌చ్చు. వ్యాధి వ్యాప్తిని అరిక‌ట్టొచ్చు” అని మంత్రిత్వ శాఖ అడ్వైజ‌రీలో తెలిపింది. స‌హాయం కోసం 1075 హెల్ప్‌లైన్ నంబ‌ర్‌ను సంప్ర‌దించాల‌ని సూచించింది.

Also Read..

సుస్మిత సేన్ 'గోల్డ్ డిగ్గర్' కాదు.. నేనే ఆమె సంపాద‌న‌పై ఆధార‌పడేవాడిని : ల‌లిత్ మోదీ

స్పిరిట్‌పై కొత్త అప్‌డేట్‌ - ప్ర‌భాస్ సినిమాలో ప‌వ‌న్ క‌ళ్యాణ్ అత్త

ప‌వ‌న్‌కు షాక్‌.. హౌస్ మోష‌న్ పిటిష‌న్‌ను తిర‌స్క‌రించిన హైకోర్టు