CJP | జెండా ఎగురవేయడం నేరమా? కేంద్రంపై సీజేపీ నేత ఆగ్రహం

CJP | కాంగ్రెస్ కేరళం సోషల్ మీడియా పోస్టు, ఇండియా కూటమి సుప్రీంకోర్టు వైపు చేపట్టిన నిరసన ర్యాలీపై సీజేపీ వ్యవస్థాపకుడు అభిజీత్ దీప్కే స్పందించారు. ఈ అంశంపై ప్రస్తుతం తాను వ్యాఖ్యానించదలచుకోలేదని ఆయన తెలిపారు. ఇటీవల భారత ప్రధాన న్యాయమూర్తి (సీజేఐ), సుప్రీంకోర్టు శాంతిభద్రతల పరిరక్షణ బాధ్యత న్యాయస్థానానిది కాదని పేర్కొన్న విషయాన్ని ఆయన గుర్తుచేశారు. ఎన్నికల సంఘంపై సుప్రీంకోర్టు ఎలాంటి చర్యలు తీసుకుందని అభిజీత్ దీప్కే ప్రశ్నించారు. ఇప్పటివరకు ఎలాంటి చర్యలు తీసుకోలేదని విమర్శించారు. ఓట్లు తొలగించిన తర్వాత పశ్చిమ బెంగాల్‌లో చోటుచేసుకున్న పరిణామాలను చూశామని, ఓటు వేయలేకపోయినవారు తర్వాత ఓటు వేయవచ్చని చెప్పినట్లు ఆయన పేర్కొన్నారు. మరి ఈసారి నరేంద్ర మోదీ ఎన్నికల్లో పోటీ చేయవద్దని, వచ్చే ఎన్నికల్లో పోటీ చేయవచ్చని సుప్రీంకోర్టు చెప్పగలదా? అని ప్రశ్నించారు. అలా చెప్పలేకపోతే ఓటర్ల విషయంలో మాత్రం ఆ విధంగా ఎలా చెబుతున్నారని నిలదీశారు.

ఢిల్లీలో సోమ‌వారం ఇండియా కూటమి నిర్వహించిన నిరసనకు అభిజీత్ దీప్కే శుభాకాంక్షలు తెలిపారు. ఆ నిరసన చాలా పెద్దదని, కీలకమైనదని పేర్కొన్నారు. దేశమంతా ఐక్యంగా నిలబడి ఇలాంటి నిరసనలు చేపట్టాల్సిన అవసరం ఉందన్నారు. ముఖ్యంగా ప్రతిపక్షంలో ఉన్న ఇండియా కూటమి ఈ దిశగా ముందుకు సాగాలని సూచించారు. జ్ఞానేశ్ కుమార్ రాజీనామా చేసే వరకు దేశవ్యాప్తంగా ఇలాంటి నిరసనలు కొనసాగుతాయని తెలిపారు. ఈ పరిణామం చోటుచేసుకుంటుందని ఆశిస్తున్నట్లు చెప్పారు.

https://twitter.com/PTI_News/status/2109884201667285012?s=20

జాతీయ జెండా ఎగురవేస్తే అరెస్టు చేస్తారా?

జంతర్ మంతర్ సమీపంలో సీజేపీ నేతలు సౌరవ్ దాస్, అశుతోష్ రంకాలను పోలీసులు అదుపులోకి తీసుకున్న ఘటనపై సీజేపీ నేత అభిజీత్ దీప్కే తీవ్రంగా స్పందించారు. జాతీయ జెండాను ఎగురవేయడం చట్టాన్ని ఉల్లంఘించడమా? అని ప్రశ్నించారు. అశుతోష్ రంకా, సౌరవ్ దాస్, అజింక్య షిండే నేతృత్వంలోని తమ బృందం మంగళవారం ఉదయం జంతర్ మంతర్‌కు వెళ్లి త్రివర్ణ పతాకాన్ని ప్రదర్శించిందని అభిజీత్ దీప్కే తెలిపారు. అసలు జాతీయ జెండాను ఊపడం ఎప్పటి నుంచి చట్టవిరుద్ధంగా మారిందని ప్రశ్నించారు. జంతర్ మంతర్ వద్ద త్రివర్ణ పతాకాన్ని ఎగురవేయడాన్ని చట్టవిరుద్ధమని భావించే వారు దేశద్రోహులని తీవ్ర వ్యాఖ్యలు చేశారు.

జాతీయ జెండాను ప్రదర్శించినందుకు సౌరవ్ దాస్, అశుతోష్ రంకా, అజింక్య షిండే సహా వారితో వెళ్లిన ఇతరులను అరెస్టు చేశారని ఆయన ఆరోపించారు. ఈ ఘటనపై సాధ్యమైనంత కఠిన చర్యలు తీసుకోవాలని డిమాండ్ చేశారు. జాతీయ జెండాను ఊపినందుకు ఒక వ్యక్తిని ఎలా అరెస్టు చేస్తారని ప్రశ్నించారు. ఇదేం దేశం? ఇదేం పాలన? దేశంలో త్రివర్ణ పతాకాన్ని ప్రదర్శించడం ఎప్పటి నుంచి చట్టవిరుద్ధమైందని నిలదీశారు. ఈ ఘటన నియంతృత్వ ధోరణికి అతిపెద్ద ఉదాహరణ అని అభిజీత్ దీప్కే విమర్శించారు.