IOCL Apprentice | ఐఓసీఎల్‌లో అప్రెంటిస్‌లు.. ఈ నెల 28 వ‌ర‌కు ద‌ర‌ఖాస్తు గ‌డువు

IOCL Apprentice | త్రినేత్ర‌.న్యూస్‌: దేశంలో అతిపెద్ద చ‌మురు ఉత్ప‌త్తి, పంపిణీ సంస్థ‌ ఇండియ‌న్ ఆయిల్ కార్పొరేష‌న్ (IOCL) వివిధ ట్రేడుల్లో అప్రెంటిస్ (Apprentice) ఖాళీల భ‌ర్తీకి (IOCL Apprentice) నోటిఫికేష‌న్ విడుద‌ల చేసింది. మొత్తం 1524 ఖాళీల‌ను భ‌ర్తీ చేస్తున్న‌ది. కెమిక‌ల్‌, మెకానిక‌ల్‌, ఎల‌క్ట్రిక‌ల్‌, ఇన్‌స్ట్రుమెంటేష‌న్‌, సెక్ర‌టేరియ‌ల్ అసిస్టెంట్‌, అకౌంటెంట్‌, డాటా ఎంట్రీ ఆప‌రేట‌ర్ వంటి ట్రేడుల్లో ఈ సీట్లు ఉన్నాయి. అర్హులైన వారు జూలై 28లోపు www.iocl.comలో ద‌ర‌ఖాస్తు చేసుకోవ‌చ్చు. రాత‌ప‌రీక్షలో క‌న‌బ‌ర్చిన ప్ర‌తిభ ఆధారంగా ఎంపిక చేయ‌నున్నారు.

మొత్తం ఖాళీలు- 1524

రిఫైన‌రీల వారీగా సీట్లు..
బొంగైగౌన్ రిఫైన‌రీ- 144 సీట్లు
గుజ‌రాత్ రిఫైన‌రీ- 647 సీట్లు
మ‌థుర రిఫైన‌రీ- 151 సీట్లు
పార‌దీప్ రిఫైన‌రీ- 582 సీట్లు

అర్హ‌త‌లు: జూన్ 30 నాటికి 50 శాతం మార్కుల‌తో డిగ్రీ, ఇంట‌ర్‌, ఐటీఐ ఉత్తీర్ణులై ఉండాలి. అభ్య‌ర్థులు 18 నుంచి 24 ఏండ్ల లోపు వ‌య‌స్కులై ఉండాలి. బీఈ లేదా బీటెక్‌, ఎంబీఏ, ఏసీ, ఎల్ఎల్‌బీ, ఎంసీఏ వంటి ఉన్న‌త విద్య చేసిన వారు అర్హులు కారు.

ఎంపిక ప్ర‌క్రియ‌: రాత ప‌రీక్ష ద్వారా. అర్హ‌త సాధించిన వారికి ఏడాదిపాటు శిక్ష‌ణ ఇస్తారు. ఈ కాలంలో ప్ర‌తినెల స్టెయిఫండ్ అందిస్తారు.

ద‌ర‌ఖాస్తులు: ఆన్‌లైన్‌లో
అప్లికేష‌న్ల‌కు చివ‌రితేదీ: జూలై 28
వెబ్‌సైట్‌: www.iocl.com