IOB | ఇండియ‌న్ ఓవ‌ర్సీస్ బ్యాంక్ రిక్రూట్‌మెంట్‌.. 291 స్పెష‌లిస్ట్ ఆఫీస‌ర్ పోస్టులు

IOB | త్రినేత్ర‌.న్యూస్‌: చెన్నై ప్ర‌ధాన కేంద్రంగా ప‌నిచేస్తున్న ప్ర‌భుత్వ రంగ బ్యాంకు ఇండియ‌న్ ఓవ‌ర్‌సీస్ బ్యాంకు (IOB) స్పెష‌లిస్ట్ ఆఫీస‌ర్ (Specialist Officers) పోస్టుల భ‌ర్తీకి నోటిఫికేష‌న్ విడుద‌ల చేసింది. దీనిద్వారా 291 పోస్టుల‌కు ద‌ర‌ఖాస్తులు (IOB Recruitment) ఆహ్వానిస్తున్న‌ది. ఇందులో మేనేజ‌ర్‌, అసిస్టెంట్ మేనేజ‌ర్‌, సీనియ‌ర్ మేజ‌ర్ పోస్టులు ఉన్నాయి. అర్హులైన వారు శ‌నివారం (ఆగ‌స్టు 29) నుంచి ద‌ర‌ఖాస్తు చేసుకోవ‌చ్చు. సెప్టెంబ‌ర్ 15 వ‌ర‌కు ఆన్‌లైన్‌లో www.iob.bank.in అప్లికేష‌న్‌లు అందుబాటులో ఉంటాయి. రాత‌ప‌రీక్ష, ఇంట‌ర్వ్యూ ద్వారా అభ్య‌ర్థుల‌ను ఎంపిక చేస్తారు. ఎంపికైన‌వారికి పేస్కేలును బ‌ట్టి రూ.48,480 నుంచి రూ.1,05,280 వ‌ర‌కు జీతం ఉంటుంది.

మొత్తం పోస్టులు: 291
ఇందులో జ‌న‌ర‌ల్ 117, ఓబీసీ 79, ఎస్సీ 46, ఎస్టీ 21, ఈడ‌బ్ల్యూఎస్ 28 చొప్పున ఖాళీలు ఉన్నాయి.
అర్హ‌త‌లు: డిగ్రీ, కంప్యూట‌ర్ సైన్స్‌, ఐటీ, ఎల‌క్ట్రానిక్స్ అండ్ కమ్యూనికేష‌న్‌, ఎల‌క్ట్రానిక్స్ అండ్ ఇన్‌స్ట్రుమెంటేష‌న్‌, సైబ‌ర్ సెక్యూరిటీ, ఇన్ఫ‌ర్మేష‌న్ సెక్యూరిటీ, ఎంసీ, ఎమ్ఎస్సీ చేసి ఉండాలి. సంబంధిత రంగంలో ఉద్యోగ అనుభ‌వం త‌ప్ప‌నిస‌రి. అభ్య‌ర్థులు 2026 ఆగ‌స్టు 1 నాటికి 22 నుంచి 45 ఏండ్ల మ‌ధ్య వ‌య‌స్కుల‌వ్వాలి.

ఎంపిక విధానం: ఆన్‌లైన్ రాత‌ప‌రీక్ష, ఇంట‌ర్వ్యూ ద్వారా. రాత‌ప‌రీక్షకు 80 శాతం, ఇంట‌ర్వ్యూకు 20 శాతం వెయిటేజీ ఉంటుంది.

ద‌ర‌ఖాస్తులు: ఆన్‌లైన్‌లో
ద‌ర‌ఖాస్తుల‌కు చివరితేదీ: సెప్టెంబ‌ర్ 15
అప్లికేష‌న్ ఫీజు: రూ.1000, ఎస్సీ, ఎస్టీ, పీడ‌బ్ల్యూడీ అభ్య‌ర్థుల‌కు రూ.175
వెబ్‌సైట్‌: www.iob.bank.in