kollywood | త‌మిళ‌నాడులో ఉద‌యం ఆరు గంట‌ల నుంచే కొత్త సినిమాల స్క్రీనింగ్ – టికెట్ రేట్ల పెంపుకు “నో” ప‌ర్మిష‌న్

kollywood | త‌మిళ సినీ ప‌రిశ్ర‌మ‌కు ద‌ళ‌ప‌తి విజ‌య్ టీవీకే ప్ర‌భుత్వం గుడ్‌న్యూస్ వినిపించింది. త‌మిళ‌నాడులో కొత్త సినిమాల‌ను ఉద‌యం ఆరు గంట‌ల నుంచే స్క్రీనింగ్ చేసుకోవ‌డానికి ప‌ర్మిష‌న్ ఇచ్చింది. స్పెష‌ల్ ప్రీమియ‌ర్ల‌తో పాటు రోజుకు ఆరు షోల‌ను ప్ర‌ద‌ర్శించేందుకు అనుమ‌తులు మంజూరు చేసింది. ఈ మేర‌కు ప్ర‌త్యేక జీవోను మంగ‌ళ‌వారం రిలీజ్ చేశారు.

రిలీజ్ టైమ్‌లో..

గ‌తంలో త‌మిళ‌నాడులో భారీ బ‌డ్జెట్ సినిమాల రిలీజ్ టైమ్‌లో స్పెష‌ల్ షోస్ కోసం ప్ర‌భుత్వ అనుమ‌తులు తీసుకోవాల్సివ‌చ్చేంది. ఆ నిబంధ‌న‌ను టీవీకే ప్ర‌భుత్వం ఎత్తేసింది. ఎలాంటి ప‌ర్మిష‌న్లు అవ‌స‌రం లేకుండా కొత్త సినిమా విడుద‌లైన‌ప్ప‌టి నుంచి వారం రోజుల వ‌ర‌కు ప్ర‌తి రోజు ఆరు షోల‌ను ప్ర‌ద‌ర్శించే అవ‌కాశం క‌ల్పించింది. ఉద‌యం ఆరు గంట‌ల నుంచే సినిమా స్క్రీనింగ్ మొద‌లుపెట్టుకోవ‌చ్చున‌ని ప్ర‌క‌టించింది. ఇందుకోసం ఎలాంటి అనుమ‌తులు అవ‌స‌రం లేద‌ని ఈ జీవోలో పేర్కొన్నారు. వీకెండ్స్‌తో పాటు పండుగ‌ల టైమ్‌లో కూడా ఆరు షోల నిబంధ‌న వ‌ర్తిస్తుంద‌ని చెప్పారు.

టికెట్ ధ‌ర‌ల‌కు నో...

సినిమా టికెట్ రేట్ల పెంపుకు మాత్రం విజ‌య్ ప్ర‌భుత్వం నో చెప్పింది. సినిమా టికెట్ ధ‌ర‌ల‌ను పెంచాల‌ని కోలీవుడ్ వ‌ర్గాలు విజ‌య్ ప్ర‌భుత్వాన్ని కోరాయి. స్పెష‌ల్ ప్రీమియ‌ర్ల‌కు ప‌ర్మిష‌న్ ఇస్తూ జీవో జారీ చేసిన ప్ర‌భుత్వం టికెట్ రేట్ల గురించి మాత్రం ఇందులో ప్ర‌స్తావించ‌క‌పోవ‌డం గ‌మ‌నార్హం.

దీపావ‌ళి సినిమాల‌కు బెనిఫిట్‌

స్పెష‌ల్ ప్రీమియ‌ర్ల‌కు అనుమ‌తులు ల‌భించ‌డం దీపావ‌ళి సినిమాల‌కు బెనిఫిట్ కాబోతుంది. ఈ పండుగ‌కు సూర్య సీన్‌, న‌య‌న‌తార మూక్కుత్తి అమ్మ‌న్‌తో పాటు ర‌ణ‌బీర్‌క‌పూర్‌, సాయిప‌ల్ల‌వి రామాయ‌ణ సినిమాలు ప్రేక్ష‌కుల ముందుకు రాబోతున్నాయి. ఆరు షోల కార‌ణంగా ఈ సినిమాలు భారీగా ఓపెనింగ్స్ రాబ‌ట్టే అవ‌కాశం ఉంది.