HPCL | హెచ్‌పీసీఎల్‌లో గ్రాడ్యుయేట్ అప్రెంటిస్ ట్రైనీలు.. ఇంజినీరింగ్ చేసిన‌వారు అర్హులు..

HPCL | త్రినేత్ర‌.న్యూస్‌: దేశీయ ఆయిల్ అండ్ గ్యాస్ కంపెనీ హిందుస్థాన్ పెట్రోలియం కార్పొరేష‌న్ లిమిటెడ్ (HPCL) వివిధ విభాగాల్లో గ్రాడ్యుయేట్ అప్రెంటిస్ ట్రైనీల (Graduate Apprentice Trainees) నియామ‌కం చేప‌ట్టింది. ఇంజినీరింగ్ (Engineering) పూర్తిచేసిన వారికోసం మొత్తం 358 ఖాళీల‌తో నోటిఫికేష‌న్ విడుద‌ల చేసింది. అర్హులైన వారు ఈ నెల 31 వ‌ర‌కు ద‌ర‌ఖాస్తు చేసుకోవ‌చ్చు. సివిల్‌, మెకానిక‌ల్‌, ఎల‌క్ట్రిక‌ల్‌, ఇన్‌స్ట్రుమెంటేష‌న్ విభాగాల్లో ఈ ఖాళీలు ఉన్నాయి. ఎలాంటి రాత‌ప‌రీక్ష లేకుండానే అక‌డ‌మిక్ మార్కుల ఆధారంగా అభ్య‌ర్థుల‌ను ఎంపిక చేస్తారు. ఏడాదిపాటు శిక్ష‌ణ కొన‌సాగుతుంది. శిక్ష‌ణ స‌మ‌యంలో ప్ర‌తి నెల రూ.25 వేలు చెల్లిస్తారు. తెలంగాణ‌లో 19, ఆంధ్ర‌ప్ర‌దేశ్‌లో 15 ఖాళీలు ఉన్నాయి.

గ్రాడ్యుయేట్ అప్రెంటిస్ ట్రైనీ- 358 ఖాళీలు
విభాగాలు- సివిల్‌, మెకానిక‌ల్‌, ఎల‌క్ట్రిక‌ల్‌, ఇన్‌స్ట్రుమెంటేష‌న్‌
అర్హ‌త‌: సివిల్‌, మెకానిక‌ల్‌, ఎల‌క్ట్రిక‌ల్‌, ఇన్‌స్ట్రుమెంటేష‌న్ విభాగాల్లో 60 శాతం మార్కుల‌తో ఇంజినీరింగ్ డిగ్రీ పూర్తి చేసి ఉండాలి. 2023, సెప్టెంబ‌ర్ 1కి ముందు డిగ్రీ చేసిన వారు అర్హులు కాదు. అభ్య‌ర్థులు జూలై 31 నాటికి 18 నుంచి 25 ఏండ్ల మ‌ధ్య ఉండాలి.

ఎంపిక విధానం: అక‌డ‌మిక్ మార్కుల ఆధారంగా.
ద‌ర‌ఖాస్తు ప్ర‌క్రియ‌: ఆన్‌లైన్‌లో
ద‌ర‌ఖాస్తులుప్రారంభం: జూలై 15
ద‌ర‌ఖాస్తుల‌కు చివ‌రితేదీ: జూలై 31
వెబ్‌సైట్‌: www.hpclcareers.com