RRB Recruitment | రైల్వేలో 560 పారా మెడికల్ ఉద్యోగాలు.. ఆర్ఆర్‌బీ నోటిఫికేష‌న్‌

RRB Recruitment | త్రినేత్ర‌.న్యూస్‌: రైల్వే శాఖ ప‌రిధిలోని రైల్వే రిక్రూట్‌మెంట్ బోర్డు (RRB Recruitment) దేశ‌వ్యాప్తంగా వివిధ కేట‌గిరీల్లో పారామెడిక‌ల్ ఖాళీల భ‌ర్తీకి నోటిఫికేష‌న్ విడుద‌ల చేసింది. దేశ‌వ్యాప్తంగా ఉన్న వివిధ రీజియ‌న‌ల్ల‌లో 560 పారామెడికల్ (Paramedical Posts) ఉద్యోగాలు భర్తీ చేస్తున్న‌ది. ఈ పోస్టుల‌కు 10+2, జీఎన్‌ఎం, డిప్లొమా, డిగ్రీ, పీజీ డిప్లొమా, పీజీ ఉత్తీర్ణులైన వారు అర్హులు. సెప్టెంబర్‌ 15 నుంచి ద‌ర‌ఖాస్తులు ప్రారంభ‌మ‌వుతాయి. అక్టోబర్‌ 14 వరకు ఆన్‌లైన్‌లో https://indianrailways.gov.in/ అప్ల‌య్ చేసుకోవ‌చ్చు. రాత‌ప‌రీక్ష ద్వారా అభ్య‌ర్థుల‌ను ఎంపిక చేస్తారు.

మొత్తం పోస్టులు: 560
ఇందులో న‌ర్సింగ్ సూప‌రింటెండెంట్‌, ఫార్మ‌సిస్ట్‌, రేడియోగ్రాఫ‌ర్‌, ల్యాబ్ అసిస్టెంట్‌, ఈసీజీ టెక్నీషియ‌న్‌, హెల్త్ అండ్ మ‌లేరియా ఇన్‌స్పెక్ట‌ర్‌, డ‌యాల‌సిస్ టెక్నీషియ‌న్ వంటి పోస్టులు ఉన్నాయి.

అర్హ‌త‌లు: 10+2, జీఎన్‌ఎం, డిప్లొమా, డిగ్రీ, పీజీ డిప్లొమా, పీజీ ఉత్తీర్ణులై ఉండాలి. అభ్య‌ర్థులు 18 నుంచి 40 ఏండ్ల మ‌ధ్య వ‌య‌స్కుల‌వ్వాలి.
ఎంపిక ప్ర‌క్రియ‌: రాత‌ప‌రీక్ష‌, డాక్యుమెంట్ వెరిఫికేష‌న్‌, మెడిక‌ల్ ఎగ్జామినేష‌న్ ద్వారా.

ద‌ర‌ఖాస్తు విధానం: ఆన్‌లైన్‌లో
అప్లికేష‌న్ ఫీజు: రూ.500 (ప‌రీక్ష రాసిన వారికి రూ.400 తిరిగి చెల్లిస్తారు), ఎస్సీ, ఎస్టీ, దివ్వాంగులు, ట్రాన్స్‌జెండ‌ర్లు, మైనార్టీ, ఎక్స్ స‌ర్వీస్‌మెన్ అభ్య‌ర్థుల‌కు రూ.250 (ప‌రీక్ష‌కు హాజ‌రైతే తిరిగి ఇచ్చేస్తారు).
ద‌ర‌ఖాస్తులు ప్రారంభం: సెప్టెంబ‌ర్ 15
ద‌ర‌ఖాస్తుల‌కు చివ‌రితేదీ: అక్టోబ‌ర్ 14
వెబ్‌సైట్‌: https://indianrailways.gov.in/