Former women Maoists Ramp Walk | తుపాకులు వదిలి.. ‘రాంప్’పై కదిలి: మోడల్స్‌గా అదరగొట్టిన మహిళా మాజీ మావోయిస్టులు

Former women Maoists Ramp Walk | త్రినేత్ర.న్యూస్ : ఛత్తీస్‌గఢ్‌లోని (Chhattisgarh) బస్తర్ (Bastar) ప్రాంతానికి చెందిన మహిళా మాజీ మావోయిస్టులు నెటిజన్లను విపరీతంగా ఆకట్టుకుంటున్నారు. రాయ్‌పూర్‌లో (Raipur) జరిగిన నేషనల్ హ్యాండ్‌లూమ్ డే (National Handloom Day 2026) వేడుకల్లో వారు మోడల్స్‌గా మారి 'రాంప్ వాక్' (Ramp walk) చేసి అందరినీ ఆశ్చర్యపరిచారు. ఒకప్పుడు అడవుల్లో తుపాకులు పట్టి తిరిగిన వారు.. ఇప్పుడు సంప్రదాయ చేనేత వస్త్రాల్లో మెరిసిపోతూ జనజీవన స్రవంతిలో కొత్త జీవితాన్ని ప్రారంభిస్తున్నారు.

దట్టమైన అడవుల నుంచి ఆడిటోరియం వరకు

సాధారణంగా మావోయిస్టులు అంటే దట్టమైన అడవుల్లో ఆయుధాలతో సంచరించే వారే మనకు గుర్తొస్తారు. కానీ, లొంగిపోయి సాధారణ జీవితాన్ని ఎంచుకున్న తర్వాత వారి లైఫ్‌స్టైల్ ఎంతలా మారిపోయిందో చెప్పడానికి ఈ ఘటనే ఒక బెస్ట్ ఎగ్జాంపుల్. రాయ్‌పూర్ వేదికగా జరిగిన ఈ ఈవెంట్‌లో బస్తర్ మహిళా మాజీ మావోయిస్టులు ఎంతో కాన్ఫిడెంట్‌గా రాంప్ వాక్ చేశారు.

ఛత్తీస్‌గఢ్‌కే తలమానికమైన 'కోసా సిల్క్' (Kosa silk), ఇతర చేనేత వస్త్రాలను ధరించి పండిట్ దీన్‌దయాళ్ ఉపాధ్యాయ ఆడిటోరియంలో వారు క్యాట్‌వాక్ చేస్తుంటే ఆడియన్స్ నుంచి విశేష స్పందన లభించింది. ఇది కేవలం ఒక 'ఫ్యాషన్ షో' (Fashion show) మాత్రమే కాదు.. హింసాత్మక జీవితాన్ని వదిలిపెట్టి.. మెయిన్‌స్ట్రీమ్ సమాజంలో వారు పొందుతున్న సాధికారతకు (Empowerment), కొత్త ఆశలకు ఒక ప్రతీకగా నిలిచింది. ఈ కార్యక్రమంలో ముఖ్యమంత్రి విష్ణుదేవ్ సాయ్ కూడా పాల్గొని వారికి బెస్ట్ విషెస్ చెప్పారు.

సోషల్ మీడియాలో నెటిజన్ల ఫిదా

మెయిన్‌స్ట్రీమ్ సొసైటీలోకి వచ్చిన తర్వాత ఈ మాజీ మావోయిస్టులు ఇప్పుడు కొత్త కెరీర్‌లను నిర్మించుకుంటున్నారు. వివిధ సామాజిక కార్యక్రమాల్లో చురుగ్గా పాల్గొంటున్నారు. రాంప్ వాక్ చేసిన ఈ వీడియో ఇప్పుడు సోషల్ మీడియాలో విపరీతంగా వైరల్ (Viral video) అవుతోంది. వారిలో వచ్చిన ఈ ట్రాన్స్‌ఫర్మేషన్ చూసి నెటిజన్లు ఆశ్చర్యం వ్యక్తం చేస్తున్నారు.

#WATCH | Raipur, Chhattisgarh: Former women Naxals, who once carried weapons in the dense forests of Bastar, walked the ramp to huge applause at a National Handloom Day event in Raipur after joining the mainstream. (07.08) pic.twitter.com/51mc8lEXWE

— ANI (@ANI) August 13, 2026

"ఇది నిజంగా నమ్మశక్యం కాదు.. అసలు వీరు మాజీ మావోయిస్టులంటే ఎవరూ నమ్మలేరు," అంటూ ఒక ఎక్స్ యూజర్ కామెంట్ చేయగా, "నిజమైన ఉమెన్ ఎంపవర్‌మెంట్ అంటే ఇదే" అని మరొకరు ప్రశంసించారు. దశాబ్దాలుగా వామపక్ష తీవ్రవాదంతో ప్రభావితమైన ప్రాంతాల నుంచి వచ్చి.. ఇలా మెయిన్‌స్ట్రీమ్ అవకాశాలను అందిపుచ్చుకోవడం నిజంగా గ్రేట్ అని నెటిజన్లు అభినందిస్తున్నారు.