Rahul Gandhi | బీజేపీకి మేలు చేసేందుకే : ఫారం 6 ను ఏకపక్షంగా, చట్టవిరుద్ధంగా మార్చారు

• సీఈసీ జ్ఞానేష్ కుమార్‌పై రాహుల్ గాంధీ ఫైర్
• ఫారం-6 మార్పులపై రాజకీయ రచ్చ
• ఈసీ 'ఫ్యాక్ట్ చెక్' కౌంటర్

Rahul Gandhi | త్రినేత్ర న్యూస్ : ఓటరు నమోదు ప్రక్రియలో 'ఫారం 6' డిక్లరేషన్ మార్పుల వ్యవహారం దేశ రాజకీయాల్లో తీవ్ర ప్రకంపనలు సృష్టిస్తోంది. చీఫ్ ఎలక్షన్ కమిషనర్ జ్ఞానేష్ కుమార్ బీజేపీకి మేలు చేసేందుకు అధికార దుర్వినియోగానికి పాల్పడి, చట్టవిరుద్ధంగా ఫారం-6 నిబంధనలను ఏకపక్షంగా మార్చారంటూ లోక్‌సభ ప్రతిపక్ష నేత రాహుల్ గాంధీ సోమవారం ఎక్స్ వేదికగా తీవ్రస్థాయిలో ధ్వజమెత్తారు. భారత ప్రజాస్వామ్యంపై జరిగిన ఈ నేరపూరిత దాడికి బాధ్యులైన వారందరినీ చట్టం ముందు నిలబెడతామని ఆయన హెచ్చరించారు.

It is now established beyond doubt that Gyanesh Kumar changed Form 6 illegally and unilaterally.

This is just one more proof of him abusing his position to help the BJP.

He and everyone else involved in this criminal assault on our democracy will be held accountable. https://t.co/a33eJdPetu

— Rahul Gandhi (@RahulGandhi) October 5, 2026

సుప్రీంకోర్టు సంచలన స్పష్టీకరణ

ఈ వివాదం వేడెక్కుతున్న సమయంలోనే సుప్రీంకోర్టు చేసిన వ్యాఖ్యలు చర్చనీయాంశంగా మారాయి. స్పెషల్ ఇంటెన్సివ్ రివిజన్ ఓటర్ల నమోదు కోసం మార్పులు చేసిన ఫారం-6కు తాము ఎలాంటి అనుమతి ఇవ్వలేదని భారత ప్రధాన న్యాయమూర్తి జస్టిస్ సూర్య కాంత్ విచారణ సందర్భంగా కుండబద్దలు కొట్టారు. సీఈసీపై విచారణ కోరుతూ దాఖలైన పిటిషన్ సందర్భంగా.. అసలు ఆ మార్పులు ఎవరు చేశారో రికార్డులు పరిశీలిస్తామని సీజేఐ వ్యాఖ్యానించారు.

Also Read |  ఫారం-6 మార్పులకు మేం ఓకే చెప్పలేదు: ఎన్నికల సంఘం వాదనను కొట్టిపారేసిన సుప్రీంకోర్టు

రాహుల్ గాంధీ వ్యాఖ్యలకు ఈసీ ‘ఫ్యాక్ట్ చెక్’ కౌంటర్

రాహుల్ గాంధీ చేసిన ఆరోపణలను కేంద్ర ఎన్నికల సంఘం తీవ్రంగా ఖండించింది. రాహుల్ పోస్టు తప్పుదోవ పట్టించేలా ఉందంటూ ఈసీ తన అధికారిక ఎక్స్ హ్యాండిల్ ద్వారా 'ఫ్యాక్ట్ చెక్' విడుదల చేసింది.

Fact Check

❌The statement made in this post is misleading

✅1) The order for SIR in Bihar issued on 24 June 2025 was issued with the unanimous approval of the Commission. This order has been upheld by the Hon'ble Supreme Court of India in its judgment dated 27 May 2026

✅2) In its Press Note No. 120 dated 26 September 2026, in Point 1(iii), ECI has stated that, "The declaration attached to Form 6 for SIR has been upheld by the Hon'ble Supreme Court."

#ECIFactCheck

— Election Commission of India (@ECISVEEP) October 5, 2026

ఏకగ్రీవ నిర్ణయం: బీహార్‌లో స్పెషల్ ఇంటెన్సివ్ రివిజన్ కోసం 2025 జూన్ 24న జారీ చేసిన ఆదేశాలు కమిషన్ ఏకగ్రీవ ఆమోదంతోనే వెలువడ్డాయని స్పష్టం చేసింది. ఈ ఉత్తర్వులను 2026 మే 27 నాటి తీర్పులో భారత సుప్రీంకోర్టు సమర్థించిందని గుర్తుచేసింది.

ప్రెస్ నోట్ ప్రస్తావన: 2026 సెప్టెంబర్ 26 నాటి ప్రెస్ నోట్ (నం. 120)లోని అంశాలను ఉటంకిస్తూ.. ఎస్‌ఐఆర్ ప్రక్రియలో ఫారం-6కు జతచేసిన డిక్లరేషన్‌ను సుప్రీంకోర్టు పరిశీలించి సమర్థించిందని, నాన్-ఎస్‌ఐఆర్ సమయాల్లో రిజిస్ట్రేషన్ ఆఫ్ ఎలక్టర్స్ రూల్స్, 1960 ప్రకారమే సాధారణ ఫారాలు అమల్లో ఉంటాయని పేర్కొంది.

Also Read |  బీజేపీ నేతలు.. ఫాం-7 ద్వారా ముస్లిం ఓట్లను ఎలా తొలగిస్తున్నారంటే…

ఒకవైపు ప్రధాన న్యాయమూర్తి వ్యాఖ్యలు, మరోవైపు ఎన్నికల సంఘం ఇచ్చిన వివరణల నడుమ.. ప్రతిపక్షాలు ఈసీ పనితీరును లక్ష్యంగా చేసుకుని పోరాటాన్ని మరింత ఉధృతం చేస్తున్నాయి.