Karmabhoomi Express | రైల్లో అగ్నిప్ర‌మాదం.. నాలుగు కోచ్‌ల‌కు అంటుకున్న మంట‌లు

Karmabhoomi Express | త్రినేత్ర న్యూస్ : పంజాబ్‌లో ఓ రైల్లో అగ్నిప్ర‌మాదం సంభ‌వించింది. అమృత్‌స‌ర్‌-న్యూ జల్పైగురి (Amritsar-New Jalpaiguri) మధ్య నడిచే కర్మభూమి ఎక్స్‌ప్రెస్ (Karmabhoomi Express) రైలులో మంట‌లు చెల‌రేగాయి. రైలు నాలుగు కోచ్‌లకు మంట‌లు వ్యాపించాయి. మంట‌ల ధాటికి అక్క‌డ పెద్ద ఎత్తున పొగ‌లు వ్యాపించాయి. ఈ ఘ‌ట‌న‌తో ప్ర‌యాణికులు, సిబ్బంది తీవ్ర భ‌యాందోళ‌న‌కు గుర‌య్యారు.

సరాయ్ బంజారా రైల్వే స్టేషన్ (Sarai Banjara railway station) సమీపంలో ఈ ప్ర‌మాదం చోటు చేసుకుంది. తొలుత ఐదో కోచ్‌లో మంట‌లు చెల‌రేగాయి. అవి ఇత‌ర కోచ్‌ల‌కు వ్యాపించిన‌ట్లు తెలుస్తోంది. షార్ట్ సర్క్యూట్ కారణంగానే ఈ అగ్నిప్రమాదం జరిగిందని అధికారులు అనుమానిస్తున్నారు. అయితే, ప్ర‌మాదానికి గ‌ల క‌చ్చిత‌మైన కార‌ణాలు ఇంకా తెలియ‌రాలేదు. స‌మాచారం అందుకున్న రైల్వే అధికారులు, అత్య‌వ‌స‌ర సిబ్బంది హుటాహుటిన ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టారు. అయితే, అదృష్ట‌వ‌శాత్తూ ఎలాంటి ప్రాణ న‌ష్టం సంభ‌వించ‌లేదు. ఘ‌ట‌నపై రైల్వే అధికారులు ద‌ర్యాప్తు చేస్తున్నారు.

#WATCH | Rajpura, Punjab: Fire breaks out in 4 coaches of Karmabhumi Express in the Ambala division; no casualties reported

Northern Railway CPRO Himanshu Shekhar Upadhyay stated that the train stopped safely after its safety system was triggered near Sarai Banjara station. The fire is being brought under control; senior officials are on-site, and no injuries have been reported.

— ANI (@ANI) November 6, 2026

Also Read..

ఇది ఓట్ల చోరీ కాదు.. హక్కుల చోరీ.. ఓటర్ ఐడీతో సంక్షేమ పథకాల‌పై రాహుల్ విమ‌ర్శ‌లు

అమితాబ్‌, బాంబే హైకోర్టు, బీఎస్ఈకి వ‌రుస బాంబు బెదిరింపులు.. ముంబైలో హై అల‌ర్ట్‌

హోం మంత్రి రేవంత్ రెడ్డికి ఎమ్మెల్యే పాడి కౌశిక్ రెడ్డి అభినంద‌న‌లు