Nestvest | పిల్లల భవిష్యత్తు కోసం ‘నెస్ట్‌వెస్ట్’.. ఏడాదికి కేవలం రూ.29కే పెట్టుబడి సలహాలు..

Nestvest | పిల్లల చదువు, వివాహం, సొంత ఇల్లు వంటి భవిష్యత్తు అవసరాల కోసం తల్లిదండ్రులు క్రమబద్ధంగా పెట్టుబడులు పెట్టేందుకు నెస్ట్‌వెస్ట్ (Nestvest) వేదికను దేశవ్యాప్తంగా అందుబాటులోకి తీసుకొచ్చింది. జీరో కమిషన్ విధానంతోపాటు పరిమిత పండుగ ఆఫర్‌గా ఏడాదికి కేవలం రూ.29కే పెట్టుబడి సలహా సేవలను అందిస్తోంది. నెలకు రూ.500 నుంచి పెట్టుబడులు ప్రారంభించవచ్చు.

నెస్ట్‌వెస్ట్ ఏం చేస్తుంది..?

పిల్లల భవిష్యత్తుకు ఆర్థిక భద్రత కల్పించాలనుకునే తల్లిదండ్రుల కోసం వెల్త్‌డోర్ గ్రూప్‌కు చెందిన సెబీ రిజిస్టర్డ్ పెట్టుబడి వేదిక నెస్ట్‌వెస్ట్ తన పెట్టుబడి సలహా సేవలను దేశవ్యాప్తంగా ప్రారంభించింది. కునాల్ ఆనంద్ స్థాపించిన ఈ సంస్థకు అక్షిమా ఆనంద్ సహ వ్యవస్థాపకురాలిగా ఉన్నారు. జీరో కమిషన్ విధానంలో పనిచేసే ఈ వేదిక ద్వారా ద్వితీయ, తృతీయ శ్రేణి నగరాల్లోని తల్లిదండ్రులకు సైతం తక్కువ ఖర్చుతో వృత్తిపరమైన పెట్టుబడి సలహాలు అందించనున్నారు. అమెరికాలో ఎస్‌ఈసీ రిజిస్టర్డ్ అడ్వైజరీ సేవలను నిర్వహించిన అనుభవం ఉన్న వెల్త్‌డోర్ గ్రూప్ అంతర్జాతీయ ఆర్థిక పరిజ్ఞానంతో ఈ వేదికను అభివృద్ధి చేసింది. పిల్లల ఉన్నత విద్య, వివాహం, తొలి ఇల్లు వంటి భవిష్యత్తు లక్ష్యాల కోసం వ్యక్తిగత పెట్టుబడి పోర్ట్‌ఫోలియోలు, డైరెక్ట్ మ్యూచువల్ ఫండ్స్, ఆటోమేటెడ్ కంట్రిబ్యూషన్లు, లక్ష్యాల వారీగా పెట్టుబడుల ట్రాకింగ్ సదుపాయాలను అందిస్తోంది.

ప్రతి లక్ష్యానికి అవసరమైన కాలపరిమితి, తల్లిదండ్రుల రిస్క్ ప్రొఫైల్ ఆధారంగా విభిన్న డైరెక్ట్ మ్యూచువల్ ఫండ్ పథకాలతో కూడిన పోర్ట్‌ఫోలియోను సిఫార్సు చేస్తోంది. ఆరంభంలో ఆహ్వానం ద్వారా మాత్రమే అందుబాటులో ఉన్న సమయంలోనే ఈ ప్లాట్‌ఫామ్‌కు 1.25 లక్షల మంది సైన్ అప్ చేయడం విశేషం.

ఆఫ‌ర్ కింద రూ.29కే సేవ‌లు..

దేశవ్యాప్త ప్రారంభోత్సవంలో భాగంగా నెస్ట్‌వెస్ట్ ప్రత్యేక పండుగ ఆఫర్‌ను ప్రకటించింది. సాధారణంగా ఏడాదికి రూ.599గా ఉన్న ప్రారంభ సబ్‌స్క్రిప్షన్‌ను పరిమిత పండుగ కాలానికి కేవలం రూ.29కే అందిస్తోంది. నెలకు రూ.500 నుంచి పెట్టుబడులు ప్రారంభించే అవకాశం కల్పిస్తోంది. ఈ సందర్భంగా వెల్త్‌డోర్, నెస్ట్‌వెస్ట్ వ్యవస్థాపకుడు కునాల్ ఆనంద్ మాట్లాడుతూ.. ప్రతి తల్లిదండ్రులు తమ పిల్లలకు మెరుగైన భవిష్యత్తును అందించాలని కలలు కంటారని, అయితే ఆ కలలు నిజం కావాలంటే ఆర్థిక ప్రణాళిక, క్రమశిక్షణ, చక్రవడ్డీ ప్రయోజనం అవసరమని తెలిపారు. సంపద నిర్వహణ సేవలు కేవలం సంపన్న కుటుంబాలకే పరిమితం కాకూడదని, ప్రతి భారతీయ కుటుంబానికి అందుబాటులో ఉండాలన్నదే తమ లక్ష్యమని పేర్కొన్నారు. స్వయంగా పెట్టుబడులు పెట్టే విధానం నుంచి లక్ష్య ఆధారిత సలహాలతో కూడిన పెట్టుబడుల వైపు భారతీయులను తీసుకెళ్లాలనుకుంటున్నట్లు వివరించారు.

పిల్ల‌ల కోసం ప్ర‌త్యేక ఫీచర్‌..

పండుగల సందర్భంగా పిల్లలకు నగదు బహుమతులు ఇచ్చే భారతీయ సంప్రదాయాన్ని దృష్టిలో పెట్టుకుని నెస్ట్‌వెస్ట్ షగున్ అనే ప్రత్యేక ఫీచర్‌ను కూడా పరిచయం చేసింది. దీని ద్వారా పిల్లలకు బహుమతుల రూపంలో అందిన నగదును రోజువారీ ఖర్చులకు వినియోగించకుండా, వారి దీర్ఘకాలిక ఆర్థిక లక్ష్యాల కోసం ఒకేసారి అదనపు పెట్టుబడిగా జమ చేయవచ్చు. నెస్ట్‌వెస్ట్ సహ వ్యవస్థాపకురాలు అక్షిమా ఆనంద్ మాట్లాడుతూ.. పిల్లలకు తల్లిదండ్రులు అందించగలిగే గొప్ప బహుమతి ఆర్థికంగా భద్రమైన భవిష్యత్తేనని, పెట్టుబడులను సరళంగా, వ్యక్తిగత అవసరాలకు అనుగుణంగా, అందరికీ అందుబాటులోకి తీసుకురావడమే తమ ఉద్దేశమని తెలిపారు. మరోవైపు వెల్త్‌డోర్ ఇప్పటికే అంతర్జాతీయ స్టాక్ మార్కెట్లలో పెట్టుబడులు పెట్టేందుకు సరిహద్దులు దాటి పెట్టుబడి సదుపాయాలను అందిస్తోంది.

ఉద్యోగుల‌కు సైతం..

నెస్ట్‌వెస్ట్ సేవలను ఉద్యోగులకు కార్యాలయ ప్రయోజనంగా అందించేందుకు పలు సంస్థలతో చర్చలు జరుపుతోంది. నెస్ట్‌వెస్ట్‌లో పెట్టుబడి సలహాలను వెల్త్‌డోర్ ఇన్వెస్ట్‌మెంట్ అడ్వైజర్స్ ప్రైవేట్ లిమిటెడ్ అందిస్తోంది. దీనికి సెబీ రిజిస్ట్రేషన్ నంబర్ ఐఎన్ఏ000022057 ఉంది. వెల్త్‌డోర్ ఇన్వెస్ట్‌మెంట్ అడ్వైజర్స్ ప్రైవేట్ లిమిటెడ్ ప్రధాన కార్యాలయం న్యూఢిల్లీలోని డీఎల్ఎఫ్ ప్రైమ్ టవర్స్, ఓఖ్లా ఇండస్ట్రియల్ ఏరియాలో ఉంది. అమెరికా, భారత్‌లో ఎస్‌ఈసీ, సెబీ గుర్తింపు పొందిన సంస్థలు వెల్త్‌డోర్ గ్రూప్‌లో ఉన్నాయి. అయితే సెక్యూరిటీస్ మార్కెట్ పెట్టుబడులు మార్కెట్ రిస్కులకు లోబడి ఉంటాయి. పెట్టుబడి పెట్టే ముందు సంబంధిత పత్రాలను జాగ్రత్తగా చదవాలి. సెబీ రిజిస్ట్రేషన్, బీఎస్‌ఈలో నమోదు, ఎన్ఐఎస్ఎం ధ్రువీకరణ వంటివి పెట్టుబడి మధ్యవర్తుల పనితీరుకు హామీ ఇవ్వవు. అలాగే పెట్టుబడిదారులకు రాబడిపై ఎలాంటి భరోసా కల్పించవు.