LPG Prices Hike | రూ.195 వాత‌.. వాణిజ్య సిలిండ‌ర్ ధ‌ర పెంపు..

LPG Prices Hike | త్రినేత్ర‌.న్యూస్‌: గ్యాస్ కొర‌త‌తో క‌మర్షియ‌ల్ సిలిండ‌ర్ ధ‌ర‌లు (LPG Prices Hike) బ‌హిరంగ మార్కెట్‌లో ఇప్ప‌టికే ధ‌ర‌లు చుక్క‌లనంటాయి. కొర‌త‌ను సాకుగాచూపి గ్యాస్ ఏజెంట్లు భారీ మొత్తానికి అమ్ముకుంటున్నారు. తాజా మ‌రోసారి చిరు వ్యాపారుల‌పై కేంద్ర ప్ర‌భుత్వం భారం మోపింది. తాజాగా వాణిజ్య అవ‌స‌రాల‌కు వినియోగించే ఎల్పీజీ సిలిండ‌ర్ (Commercial LPG Cylinder) ధ‌ర‌ను రూ.195.50 చొప్పున పెంచాయి. దీంతో ఢిల్లీలో సిలిండ‌ర్ ధ‌ర రూ.2078.50కు చేరింది.

ప‌శ్చిమాసియా యుద్ధ ప్ర‌భావంతో గ‌త నెల‌లో కూడా క‌మ‌ర్షియ‌ల్ గ్యాస్ సిలిండ‌ర్ ధ‌ర‌లు పెరిగిన విష‌యం తెలిసిందే. మార్చి 1న రూ.114.5 వ‌డ్డించాయి. ఇక గృహావ‌స‌రాల‌కు వినియోగించే గ్యాస్ సిలిండ‌ర్ ధ‌ర కూడా గ‌త నెల పెరిగాయి. మార్చి 7న 14.2 కిలోల సిలిండ‌ర్ ధ‌ర‌ను చ‌మురు కంపెనీలు రూ.60 పెంచాయి.