CM Vijay | ఎమ్మెల్యే ప‌ద‌వికి సీఎం విజ‌య్ రాజీనామా

CM Vijay | త్రినేత్ర‌.న్యూస్ : ఎన్నో సందిగ్ధ‌త‌ల మ‌ధ్య ఎట్ట‌కేల‌కు త‌మిళ‌నాడు ముఖ్య‌మంత్రిగా టీవీకే చీఫ్ విజ‌య్ ప్ర‌మాణ‌స్వీకారం చేసిన సంగ‌తి తెలిసిందే. ఏప్రిల్ నెల‌లో జ‌రిగిన అసెంబ్లీ ఎన్నిక‌ల్లో విజ‌య్ రెండు నియోజ‌క‌వ‌ర్గాల నుంచి పోటీ చేసి గెలుపొందారు. పెరంబూర్, తిరుచ్చి ఈస్ట్ నియోజ‌క‌వ‌ర్గాల నుంచి గెలుపొందిన విజ‌య్.. పెరంబూర్ నుంచే ఎమ్మెల్యేగా కొన‌సాగాల‌ని నిర్ణ‌యించుకున్నారు. అంటే తిరుచ్చి ఈస్ట్ నియోజ‌క‌వ‌ర్గానికి విజ‌య్ రాజీనామా చేశారు. ఈ నియోజ‌క‌వ‌ర్గానికి ఆరు నెల‌ల్లోపు ఉప ఎన్నిక జ‌ర‌గ‌నుంది.

ప్రజాప్రాతినిధ్య చట్టం ప్రకారం ఓ అభ్యర్థి ఒకేసారి రెండు నియోజకవర్గాల నుంచి పోటీ చేయొచ్చు. ఆ రెండు సీట్లలోనూ గెలిస్తే ఒక దానికి రాజీనామా చేయాలి. తమిళనాడులో అన్నాడీఎంకే అధినేత్రి దివంగత జయలలిత తర్వాత ఏకకాలంలో రెండు స్థానాల నుంచి బరిలోకి దిగిన నేతగా విజయ్ గుర్తింపు పొందారు.