Gaurav Gogoi | అస్సాంలో కాంగ్రెస్ నేత‌ గౌర‌వ్ గొగోయ్ ఓట‌మి..

Gaurav Gogoi | త్రినేత్ర‌.న్యూస్‌: అస్సాం అసెంబ్లీ ఎన్నిక‌ల్లో కాంగ్రెస్ పార్టీ దారుణ ఓట‌మి చ‌విచూసింది. 99 స్థానాల్లో అభ్య‌ర్థుల‌ను నిలిచిన హ‌స్తం పార్టీ కేవ‌లం 21 సీట్ల‌తోనే స‌రిపెట్టుకున్న‌ది. ఆ పార్టీ ముఖ్య‌మంత్రి నేత‌, లోక్‌స‌భ‌లో కాంగ్రెస్ ఎల్పీ ఉప‌నేత గౌర‌వ్ గొగోయ్ (Gaurav Gogoi) ఓట‌మి చ‌విచూశారు. జొర్‌హాట్‌లో (Jorhat) విజ‌యంతో రాష్ట్ర రాజ‌కీయాల్లో అడుగుపెట్టాల‌నుకున్న ఆయ‌న అసెంబ్లీ మాజీ స్పీక‌ర్‌, బీజేపీ నేత హితేంద్ర‌నాథ్ గోస్వామీ (Hitendra Nath Goswami) కంగుతినిపించారు. 23,182 ఓట్ల భారీ మెజార్టీతో గొగోయ్‌పై ఆయ‌న విజ‌యం సాధించారు. హితేంద్ర‌కు 69,439 ఓట్లు రాగా, గొగోయ్‌కి 46,257 ఓట్లు మాత్ర‌మే వ‌చ్చాయి. ఇక బీజేపీ తిరుగులేని మెజార్జీ సాధించింది. మొత్తం 126 స్థానాలకుగాను ఆ పార్టీ 101 చోట్ల ఆధిక్యంలో ఉన్న‌ది.

అస్సాం గ‌న ప‌రిష‌ద్ (ఏజీపీ)తో రాజకీయ జీవితం ప్రారంభించిన హితేంద్ర.. 2014లో బీజేపీలో చేరారు. 2017 నుంచి 2021 వ‌ర‌కు అస్సాం అసెంబ్లీ స్పీక‌ర్‌గా ప‌నిచేశారు.