Vijayabhaskar Resign to AIADMK | ప‌ళ‌నిస్వామికి బిగ్ షాక్‌.. మ‌రో ఎమ్మెల్యే రాజీనామా

త్రినేత్ర‌.న్యూస్‌: అన్నాడీఎంకే అధినేత ప‌ళ‌నిస్వామికి మ‌రో బిగ్ షాక్ త‌గిలింది. త‌మిళ‌నాట రాజీనామాల ప‌ర్వం కొన‌సాగుతూనే ఉంది. ఆ పార్టీకి తాజాగా మ‌రో ఎమ్మెల్యే రాజీనామా చేశారు. అన్నాడీఎంకే పార్టీని ఒక్కొక్క‌రు వీడుతుండ‌గా తాజాగా కరూర్ ఎమ్మెల్యే, రవాణా శాఖ మాజీ మంత్రి ఎం.ఆర్. విజ‌య‌భాస్క‌ర్ త‌న ప‌ద‌వికి రాజీనామా చేశారు. ఈయ‌న‌తో క‌లిపి ఇప్ప‌టివ‌ర‌కు ఆరుగురు శాస‌న‌స‌భ్యులు రాజీనామా చేశారు. విజ‌య‌భాస్క‌ర్ సైతం విజ‌య్ టీవీకే పార్టీలో చేరుతున్న‌ట్లు తెలుస్తోంది.

కాగా విజయభాస్కర్ తన రాజీనామా లేఖను అసెంబ్లీ స్పీకర్‌కు అందజేశారు. ఈ లేఖ ఆమోదం పొందిన‌ట్లు నివేదికలు వెల్ల‌డించాయి. అయితే ఇప్పటికే పలువురు అన్నాడీఎంకే ఎమ్మెల్యేలు అధికార పక్షంలో చేరడంతో పార్టీ బలం తగ్గుతూ వస్తోంది. పార్టీలో అంతర్గత విభేదాలు ఎక్కువ‌వుతున్నాయ‌నే టాక్ రాజ‌కీయ వ‌ర్గాల్లో ప్ర‌చారం అవుతోంది. టీవీకే తరఫున పోటీ చేసేందుకే వారు రాజీనామా చేస్తున్నట్టు స‌మాచారం.