CPI Narayana | నాగేశ్వ‌ర్‌రావును అరెస్టు చేయండి.. కాక్రోచ్ లన్నీ బ‌య‌ట‌కొస్తాయ్‌: సీపీఐ నారాయ‌ణ‌

CPI Narayana | త్రినేత్ర‌.న్యూస్‌: ప్రొఫెసర్ నాగేశ్వరరావును అరెస్ట్ చేయాల‌ని క‌నీసం సీఎం క్యాండిడేట్‌గానైనా బయటకు వస్తాడని సీపీఐ నారాయ‌ణ ఆస‌క్తిక‌ర వ్యాఖ్య‌లు చేశారు. ఈ మేర‌కు ఆయ‌న‌ శుక్ర‌వారం సోష‌ల్ మీడియా వేదిక‌గా స్పందించారు. ఆయన్ను అరెస్ట్ చేస్తామని జనసేన పార్టీ వాళ్లు బెదిరిస్తున్నార‌ని.. బెదిరించ‌డం ఆపి అరెస్ట్ చేయాల‌ని, మాకూ అదే కావాలని వ్యాఖ్యానించారు.

రాష్ట్ర వ్యాప్తంగా అన్ని పోలీస్ స్టేష‌న్ల‌లో కేసులు పెట్ట‌నున్న‌ట్లు తెలిసింది. ఆయ‌న్ను బెదిరిస్తున్నారు. బ్లాక్‌మెయిల్ చేస్తున్నారు. సోష‌ల్‌మీడియాలో గానీ బ‌య‌ట గానీ ఎవ‌రి వాద‌న‌లు వాళ్ల‌కు ఉంటాయి. మీకు వ్య‌తిరేకంగా ఉన్న గ‌ళాల‌ను అన్యాయంగా అణ‌గ‌దొక్క‌డం స‌రికాదు. ఇలాంటి బుడ్డబెదిరింపులు మానుకోండి. ఒక‌వేళ నిజ‌మైతే నాగేశ్వ‌ర్‌రావును అరెస్టు చేయండి. ఆయ‌న్ను అరెస్టు చేయాల‌ని నేను కూడా కోరుకుంటున్నా. క‌నీసం ముఖ్య‌మంత్రి అభ్య‌ర్థిగా బ‌య‌ట‌కు వ‌స్తాడు. ఈ కాక్రోచ్‌లంతా బ‌య‌ట‌కు వ‌స్తాయి. కాక్రోచ్‌ల ఉద్య‌మం పెరుగుతుంది. ఇది ఒక‌విధంగా మంచిదే అని సీపీఐ నారాయ‌ణ వ్యాఖ్యానించారు.

ఈనెల 15న సీజేఐ సూర్య‌కాంత్‌ యువ‌త‌పై చేసిన వ్యాఖ్య‌ల‌ను నాగేశ్వ‌ర్‌రావు తప్పుబ‌ట్టారు. స‌మాజంపై ప‌రాన్న జీవులుగా బ‌తుకుతున్నారు.. వీరు అంద‌రినీ ప్ర‌శ్నిస్తుంటారు అని సీజేఐ వ్యాఖ్యానించండం దేశ‌వ్యాప్తంగా పెద్ద దుమార‌మే రేగింది. ఈ నేప‌థ్యంలో సీజేఐ త‌న వ్యాఖ్య‌ల‌ను స‌మ‌ర్థించుకుంటూ నేను అంద‌రినీ అన‌లేద‌ని, కొంద‌రిని మాత్ర‌మే అన్నాన‌ని చెప్పుకునే ప్ర‌య‌త్నం చేశారు. దీనిపై నాగేశ్వ‌ర్‌రావు స్పందిస్తూ భార‌త పౌరులుగా ఎవ‌రినైనా ప్ర‌శ్నించే హ‌క్కు ఉంద‌ని స్ప‌ష్టం చేశారు.