IAS Vikas Marmat | బెంగ‌ళూరు ప‌బ్‌లో వీరంగం.. క‌డా సంచాలకుడు, ఐఏఎస్ వికాస్ మర్మత్ బదిలీ

IAS Vikas Marmat | త్రినేత్ర న్యూస్‌: బెంగ‌ళూరులోని ఓ ప‌బ్బులో వీరంగం సృష్టించిన ఐఏఎస్ అధికారి వికాస్ మర్మత్‌పై (IAS Vikas Marmat) బ‌దిలీ వేటు ప‌డింది. 2019 బ్యాచ్‌కు చెందిన ఐపీఎస్ అధికారి వికాస్.. ఆంధ్ర‌ప్ర‌దేశ్‌లోని కుప్పం ప్రాంతీయ అభివృద్ధి సంస్థ (KADA) ప్రాజెక్ట్ డైరెక్టర్‌గా పనిచేస్తున్నారు. బెంగళూరు పబ్ వివాదం నేపథ్యంలో ఆయ‌న‌ను బదిలీ (transferred) చేసిన ప్ర‌భుత్వం, జీఏడీకి (GAD) రిపోర్ట్ చేయాలని ఆదేశాలు జారీ చేసింది.

అక్టోబ‌ర్ 9న అర్ధ‌రాత్రి బెంగళూరు రెసిడెన్సీ రోడ్డులోని ఓ బార్‌ అండ్‌ రెస్టారెంట్‌ పబ్‌లో (Bengaluru Pub) సీసీబీ పోలీసులు తనిఖీలు నిర్వహించారు. కస్టమర్ల వయసు ధ్రువీకరణ కోసం గుర్తింపు కార్డులు పరిశీలిస్తుండగా వికాస్‍ మర్మత్‍ పోలీసులతో వాగ్వాదానికి దిగారు. వారిని అసభ్య పదజాలంతో దూషించి, బెదిరింపులకు పాల్పడినట్లు పోలీసులు ఆయ‌న‌పై క్రిమిన‌ల్‌ కేసు నమోదు చేశారు. ఈ ఘ‌ట‌న‌పై సీఎం చంద్ర‌బాబు ఆదేశాలతో అధికారులు విచారణ చేపట్టారు. ఈ క్ర‌మంలో వికాస్ మర్మత్‌ను ప్రాజెక్ట్ డైరెక్టర్ బాధ్యతల నుండి తప్పిస్తూ (బదిలీ చేస్తూ) గురువారం (అక్టోబర్ 15న‌) ఉత్తర్వులు జారీ చేశారు.