Vijayawada EV Car Fire Accident | డివైడర్‌ను ఢీకొట్టి మంటలు చెలరేగి ఎలక్ట్రిక్ కారు దగ్ధం.. చిన్నారితో సహా నలుగురు సజీవదహనం

Vijayawada EV Car Fire Accident | త్రినేత్ర న్యూస్ : ఎన్టీఆర్ జిల్లా పరిధిలోని విజయవాడ వెస్ట్ బైపాస్ రోడ్డుపై తీవ్ర విషాదం చోటుచేసుకుంది. ఓ ఎలక్ట్రిక్ కార్ (EV) అదుపుతప్పి రోడ్డు డివైడర్‌ను బలంగా ఢీకొట్టడంతో ఒక్కసారిగా భారీ ఎత్తున మంటలు చెలరేగాయి. క్షణాల వ్యవధిలోనే మంటలు వాహనం మొత్తాన్ని చుట్టుముట్టడంతో కారులో ప్రయాణిస్తున్న నలుగురు ప్రాణాలు కోల్పోయారు. మరో వ్యక్తి తీవ్ర గాయాలతో ఆసుపత్రిలో ప్రాణాపాయ స్థితిలో కొట్టుమిట్టాడుతున్నారు.

కుటుంబ వేడుకలో ఆనందంగా గడిపి వస్తున్న ఆ కుటుంబంలో ఈ ప్రమాదం తీరని శోకాన్ని మిగిల్చింది. నంబూరులో జరిగిన ఫంక్షన్‌కు హాజరై తిరిగి వస్తుండగా మార్గమధ్యంలో ఈ ఘోరం జరిగింది.

ఒక్కసారిగా చెలరేగిన మంటలు.. తప్పించుకునే వీల్లేకుండా..

డివైడర్‌ను వేగంగా ఢీకొట్టిన వెంటనే ఈవీ కార్ బ్యాటరీ పేలి మంటలు వ్యాపించి ఉంటాయని స్థానికులు అనుమానిస్తున్నారు. కారు పూర్తిగా అగ్నికి ఆహుతి కావడంతో లోపల ఉన్నవారు బయటకు వచ్చే అవకాశం కూడా లేకుండా పోయింది.

మృతులను నున్న గ్రామానికి చెందిన కొమ్మారెడ్డి రామ్‌దేవ్ (39), ఆయన తల్లి అరుణ, నంబూరుకు చెందిన తిగురు విజయతో పాటు ఓ చిన్నారిగా గుర్తించారు. మృతులు నున్న, నంబూరు గ్రామాలకు చెందిన వారని అధికారులు తెలిపారు.

ఘటనా స్థలానికి చేరుకున్న పోలీసులు

ప్రమాదాన్ని గమనించిన స్థానికులు వెంటనే స్పందించి తీవ్రంగా గాయపడిన వ్యక్తిని చికిత్స నిమిత్తం సమీప ఆసుపత్రికి తరలించారు. సమాచారం అందుకున్న వెంటనే పోలీసులు ఘటనా స్థలానికి చేరుకుని సహాయక చర్యలు చేపట్టారు.

సమాచారం తెలుసుకుని సంఘటనా స్థలానికి చేరుకున్న కుటుంబసభ్యులు.. కాలిపోయిన కారును, మృతదేహాలను చూసి గుండెలవిసేలా రోదించారు. ఈ ఘటనపై కేసు నమోదు చేసుకున్న పోలీసులు ప్రమాదానికి గల ఖచ్చితమైన కారణాలపై దర్యాప్తు చేస్తున్నారు.

Vijayawada bypass tragedy: Four burnt alive as EV catches fire

Four people were burnt alive after an 𝐞𝐥𝐞𝐜𝐭𝐫𝐢𝐜 𝐯𝐞𝐡𝐢𝐜𝐥𝐞 (𝐄𝐕) 𝐜𝐚𝐫 𝐜𝐚𝐮𝐠𝐡𝐭 𝐟𝐢𝐫𝐞 following a collision with a road divider on the Vijayawada West Bypass in NTR district. Another person sustained serious injuries and is in critical condition.

The car was completely gutted in the fire, and all four occupants died at the scene.

The victims were returning after attending a family function in Namburu when the accident occurred. The deceased have been identified as residents of Nunna and Namburu.

Those killed include Kommareddy Ramdev, 39, of Nunna, his mother Aruna, Tiguru Vijaya of Namburu and a child.

Police launch rescue operations at accident site

Local residents rushed the injured person to hospital for treatment. Family members reached the accident site and broke down on seeing the scene.

Police arrived after receiving information about the accident and launched rescue operations.

Further details awaited.

#Vijayawada #EV #AndhraPradesh

— Sudhakar Udumula (@sudhakarudumula) October 12, 2026