Cockroach Janata Party | కాక్రోచ్‌లకు ఫండింగ్ చేస్తున్నారు.. ఎవరో తెలుసా?

• CJP వెనుక ఉన్న అమెరికా కుట్రను బయటపెట్టిన సింగర్ మేరీ మిల్బెన్

Cockroach Janata Party | త్రినేత్ర న్యూస్ : దేశ రాజధాని ఢిల్లీలో ఆందోళనలు చేస్తున్న 'కాక్రోచ్ జనతా పార్టీ' (CJP)పై అమెరికన్ సింగర్ మేరీ మిల్బెన్ (Mary Millben) సంచలన ఆరోపణలు చేశారు. CJPకి అమెరికాలోని కొందరు దాతల (Donors) నుంచి ఫండింగ్ అందుతోందని ఆమె వెల్లడించారు. ఇది మౌనంగా ఉండే సమయం కాదని, దేశంలోని యువ దేశభక్తులంతా (Young Patriots) ఏకమై ఆ సంస్థ విధ్వంసక వైఖరికి వ్యతిరేకంగా శాంతియుతంగా నిరసన తెలపాలని ఆమె పిలుపునిచ్చారు.

అసలు వివాదం ఏమిటి?

ఓటర్ల జాబితా స్పెషల్ ఇంటెన్సివ్ రివిజన్ (SIR) ప్రక్రియలో అవకతవకలు జరిగాయని ఆరోపిస్తూ.. ప్రధాన ఎన్నికల కమిషనర్ (CEC) జ్ఞానేష్ కుమార్ రాజీనామా చేయాలని డిమాండ్ చేస్తూ ప్రతిపక్షాల మద్దతుదారులు, కాక్రోచ్ జనతా పార్టీ కార్యకర్తలు న్యూఢిల్లీలో నిరసనలు చేస్తున్నారు. ఈ నేపథ్యంలో 41 ఏళ్ల సింగర్ మేరీ మిల్బెన్ సోషల్ మీడియా వేదికగా చేసిన వ్యాఖ్యలు రాజకీయంగా తీవ్ర చర్చనీయాంశమయ్యాయి.

ప్రధాని మోదీని టార్గెట్ చేసేందుకే ఫండింగ్

"ప్రధాని నరేంద్ర మోదీకి, ఆయన నాయకత్వంలో మీ భవిష్యత్తుకు వ్యతిరేకంగా ఉన్న అమెరికాలోని కొందరు డోనర్స్.. CJP నేత అభిజీత్ దిప్కేకు, కాక్రోచ్ పార్టీకి ఫండింగ్ చేస్తున్నారు" అని మేరీ మిల్బెన్ తన ట్వీట్‌లో పేర్కొన్నారు.

అయితే భారత యువత భయపడాల్సిన అవసరం లేదని ఆమె భరోసా ఇచ్చారు. గత 25 ఏళ్లుగా ప్రజాసేవలో ఉంటూ, వరుసగా మూడుసార్లు గెలిచి 12 ఏళ్లుగా ప్రధానిగా భారత్‌కు సేవ చేస్తున్న నరేంద్ర మోదీ.. తమ దేశం (అమెరికా) నుంచి వచ్చే ఇలాంటి విచ్ఛిన్నకర శక్తులకు ఎప్పటికీ తలొగ్గరని ఆమె స్పష్టం చేశారు.

అమెరికా డోనర్ల 'గ్లోబల్ ప్యాటర్న్' ఇదే

ఈ ఎంపిక చేసిన దాతలకు ప్రపంచవ్యాప్తంగా ఒకే రకమైన కుట్ర విధానం (Global Pattern) ఉంటుందని మేరీ మిల్బెన్ వివరించారు.

• ప్రపంచవ్యాప్తంగా ఉన్న బలమైన కన్జర్వేటివ్ (సంప్రదాయవాద) గ్లోబల్ లీడర్లను టార్గెట్ చేయడం.
• ఆయా దేశాలకు చెంది, అమెరికాలో చదువుకున్న ఒక వ్యక్తిని ఎంచుకోవడం.
• వారిని రాడికలైజ్ (తీవ్ర భావజాలం వైపు మళ్లించడం) చేసి, తిరిగి వారి సొంత దేశానికి పంపించడం.
• దేశంలో అరాచకం, విధ్వంసం (Chaos and Destruction) సృష్టించడానికి వారికి భారీగా ఫండింగ్ చేయడం.

ఇలాంటి కుట్రలు ఏవీ ఇప్పటివరకు పూర్తిస్థాయిలో సక్సెస్ కాకపోయినా, ఆయా దేశాల అభివృద్ధిపై, పరిపాలనపై (Governance) మాత్రం ప్రభావం చూపాయని ఆమె గుర్తుచేశారు.

భారత యువతకు కౌంటర్ ఉద్యమ పిలుపు

భారత గడ్డపై పుట్టి, పెరిగి, ఇక్కడే చదువుకున్న కొత్త తరం గొంతుకలు ఇప్పుడు బయటకు రావాల్సిన సమయం ఆసన్నమైందని మేరీ అన్నారు. ప్రజాస్వామ్యాన్ని, స్వేచ్ఛను కాపాడుకోవడానికి ఇలాంటి శక్తులకు వ్యతిరేకంగా ఎప్పుడూ ఒక కౌంటర్ మూవ్‌మెంట్ (ప్రతి ఉద్యమం) ఉండాలని, కాక్రోచ్ పార్టీ విధ్వంసక వైఖరికి వ్యతిరేకంగా యువ దేశభక్తులంతా ఏకమై శాంతియుతంగా నిరసన తెలపాలని ఆమె పిలుపునిచ్చారు.

To all the beautiful young patriots in India:

This is not the time to be silent. @abhijeet_dipke and the @Cockroachisback are being funded by donors in the U.S. who are against Prime Minister @NarendraModi and your future under his leadership. Do not fear, my young patriots. Your Prime Minister, who has served India for 25 years, 12 years as Prime Minister, elected three consecutive terms, is not going to bow to disruptive forces from my country.

And these select donors have a pattern globally - target conservative global leaders, find an U.S. educated person from the country, radicalize them, send them back to the country, and fund them to start chaos and destruction. None of them have been successful but have impacted the development and governance of the country.

It is time for a new voice in #India, born, raised, educated on the soil of India, to RISE UP, organize, and peacefully protest the disruptive spirit of the Cockroach Party. There should always be a counter movement to uphold democracy and freedom.

Rise up, young patriots! Rise up!

— Mary Millben (@MaryMillben) October 14, 2026