Air India | అమెరికాకు ఎయిర్ ఇండియా విమానాలు ర‌ద్దు.. ఎందుకంటే?

త్రినేత్ర‌.న్యూస్‌: దేశీయ విమానయాన సంస్థ ఎయిర్ ఇండియా (Air India) అమెరికాకు వెళ్లే విమానాల‌పై కీల‌క నిర్ణ‌యం తీసుకున్న‌ది. ఆది, సోమ‌వారాల్లో అమెరికాకు వెళ్లే విమానాల‌ను ర‌ద్దు (Flights Cancelled) చేస్తున్న‌ట్లు ప్ర‌క‌టించింది. మంచు తుఫాను కార‌ణంగా న్యూయార్క్‌, నెవార్క్‌కు వెళ్లే, అక్క‌డి నుంచి వ‌చ్చే విమాన స‌ర్వీసుల‌ను క్యాన్స‌ల్ చేసింది. ఈ మేర‌కు ప్ర‌యాణికుల‌కు అడ్వైజ‌రీ జారీ చేసింది.

న్యూయార్క్‌, న్యూజెర్సీల‌తోపాటు అమెరికా తూర్పుతీర ప్రాంతాల్లో జ‌న‌వ‌రి 25, 26 తేదీల్లో భారీ మంచు కురుస్తుంద‌ని అంచ‌నా. ఇవి విమాన కార్య‌క‌లాపాల‌పై ప్ర‌భావం చూపే అవ‌కాశం ఉంది. ఈ నేప‌థ్యంలో ప్ర‌యాణికులు, సిబ్బంది భ‌ద్ర‌త‌ను దృష్ట్యా ఈ రెండు రోజుల్లో న్యూయార్క్‌, న్యూజెర్సీల‌కు రాక‌పోక‌లు సాగించే ఎయిర్ ఇండియా విమాన స‌ర్వీసులు ర‌ద్దు చేస్తున్నాం. ఈ తేదీల్లో ముంద‌స్తు టికెట్ బుకింగ్ చేసుకున్న వారికి సాయం చేసేందుకు మా సిబ్బంది అందుబాటులో ఉంటారు. ప్రయాణికులు తమ ఫ్లైట్ స్టేటస్‌ను ఎయిర్ ఇండియా అధికారిక వెబ్‌సైట్ లేదా కస్టమర్ సపోర్ట్ ద్వారా తెలుసుకోవాలంటూ` ఎయిర్ ఇండియా అడ్వైజ‌రీలో పేర్కొంది.

కాగా, అమెరికాకు మంచు తుఫానుల భ‌యం ప‌ట్టుకున్న‌ది. ఈ వారంతంలో దేశంలోని ప‌లు ప్రాంతాల్లో తీవ్ర మంచు తుఫాను సంభ‌వించే అవ‌కాశం ఉంద‌ని అక్క‌డి వాతావ‌ర‌ణ శాఖ ప్ర‌క‌టించింది. తుఫానును ఎదుర్కోవ‌డానికి ప్ర‌భుత్వం అన్ని విధాలుగా స‌న్న‌ద్ధ‌మైందని అధ్య‌క్షుడు డొనాల్డ్ ట్రంప్ తెలిపారు.

https://x.com/airindia/status/2014956332147986796?s=20