Rafale | ఐఎన్ఎస్‌ విక్రాంత్‌పై ల్యాండైన రాఫెల్‌

Rafale | త్రినేత్ర న్యూస్ : ఫ్రాన్స్‌ నుంచి భార‌త‌దేశం ప్ర‌తిష్టాత్మ‌కంగా దిగుమ‌తి చేసుకున్న రాఫెల్(Rafale ) విమానం తొలిసారిగా ఐఎన్ఎస్ విక్రాంత్‌( INS Vikrant ) పై విజ‌య‌వంతంగా ల్యాండైంది. విమానాన్ని భార‌త నౌకాద‌ళంలో ప్ర‌వేశ‌పెట్ట‌డంలో భాగంగా విమాన వాహ‌క నౌక‌తో అనుసంధానించే ప్ర‌క్రియ‌లో భాగంగా ఈ కార్య‌క్ర‌మాన్ని చేప‌ట్టారు. దేశంలో అతి పెద్ద‌దైన విక్రాంత్‌పై రాఫెల్‌ను ల్యాండ్ చేశారు. భార‌త ర‌క్ష‌ణ రంగాన్ని బ‌లోపేతం చేసేందుకు 26 రాఫెల్ యుద్ధ‌విమానాల‌ను దిగుమ‌తి చేసుకునేందుకు ఫ్రాన్స్‌తో రూ.63 వేల కోట్ల విలువైన ఒప్పందాన్ని కుదుర్చుకుంది. ఇందులో భాగంగా 2030 నాటికి ఈ విమానాల‌ను భార‌త‌దేశానికి అందించ‌నున్నారు.