Kolkata Earthquake | కోల్‌క‌తాను వ‌ణికించిన భారీ భూకంపం.. ప‌రుగులు తీసిన జ‌నం.. VIDEOS

Kolkata Earthquake | ప‌శ్చిమ బెంగాల్ కోల్‌క‌తా (Kolkata)ను భారీ భూకంపం (Earthquake) వ‌ణికించింది. శుక్ర‌వారం మ‌ధ్యాహ్నం స‌మ‌యంలో భూమి ఒక్క‌సారిగా కంపించింది. రిక్ట‌రు స్కేలుపై భూకంపం తీవ్ర‌త 5.5గా న‌మోదైంది. ఇవాళ ఉద‌యం పొరుగున ఉన్న బంగ్లాదేశ్ (Bangladesh)లో 5.4 తీవ్ర‌త‌తో భూకంపం వ‌చ్చింది. కోల్‌క‌తాకు 100 కిలోమీట‌ర్ల దూరంలో ఉన్న న‌యాబ‌జార్ ప్రాంతంలో భూకంపం కేంద్రాన్ని గుర్తించారు. భూమికి 10 కిలోమీట‌ర్ల లోతులో ప్ర‌కంప‌న‌లు చోటు చేసుకున్నాయి. ఈ తీవ్ర‌త‌తోనే కోల్‌క‌తా ప‌రిస‌ర ప్రాంతాల్లోనూ భూమి కంపించింది.

https://x.com/_deep_pk/status/2027292890037411841

శుక్ర‌వారం మ‌ధ్యాహ్నం స‌మ‌యంలో భూమి కంపించింది. దీంతో భ‌వ‌నాలు, ఇళ్ల‌లోని వ‌స్తువులు ఊగిపోయాయి. ఈ ప్ర‌కంప‌న‌ల‌తో ప్ర‌జ‌లు తీవ్ర భ‌యాందోళ‌న‌కు గుర‌య్యారు. ఇళ్లు, కార్యాల‌యాల నుంచి బ‌య‌ట‌కు ప‌రుగులు తీశారు. కేంద్ర మంత్రి సుకాంత మజుందార్ కోల్‌క‌తాలో నిర్వ‌హించిన ఓ కార్య‌క్ర‌మంలో ప్ర‌సంగిస్తుండ‌గా.. ప్ర‌కంప‌న‌లు చోటు చేసుకున్నాయి. దీంతో ఆయ‌న త‌న ప్ర‌సంగాన్ని ఆపి అలాగే పోడియం వ‌ద్ద నిల‌బ‌డిపోయారు. ఆ స‌మ‌యంలో కాన్ఫ‌రెన్స్ హాల్‌లోని కెమెరాలు, ఇత‌ర వ‌స్తువులు ఊగుతూ క‌నిపించాయి. ఇక ఈ ఘ‌ట‌న‌లో ఎలాంటి ప్రాణ, ఆస్తి న‌ష్టం సంభ‌వించ‌లేదు. ప్ర‌కంప‌న‌ల‌కు సంబంధించిన దృశ్యాలు సోష‌ల్ మీడియాలో వైర‌ల్ అవుతున్నాయి.

https://x.com/ians_india/status/2027295071461425627

https://x.com/Nmspeak/status/2027292076644401314

Also Read..

అవినీతి, అరాచకమే.. కాంగ్రెస్ పాలన జోడెడ్లు

చీతాల‌కు ఆహారంగా మేక‌లు.. ఏడాదికి రూ.1.27 కోట్ల ఖ‌ర్చు

కేజ్రీవాల్ అవినీతిప‌రుడు కాదు.. కోర్టు తీర్పుపై మాజీ సీఎం భావోద్వేగం