AIADMK MLA | అన్నాడీఎంకేలో కొన‌సాగుతున్న రాజీనామాల‌ ప‌ర్వం.. నాలుగో ఎమ్మెల్యే కూడా..

AIADMK MLA | అసెంబ్లీ ఎన్నిక‌ల్లో ఘోర ప‌రాజ‌యం పాలై అంత‌ర్గ‌త క‌ల‌హాల‌తో స‌త‌మ‌త‌మ‌వుతున్న అన్నాడీఎంకే (AIADMK) పార్టీకి షాకుల మీద షాకులు త‌గులుతున్నాయి. ఆ పార్టీలో ఎమ్మెల్యేల రాజీనామాల (AIADMK MLAs resign) ప‌ర్వం కొన‌సాగుతోంది. ఇప్ప‌టికే ముగ్గురు ఎమ్మెల్యేలు పార్టీకి గుడ్‌బై చెప్పేసి విజ‌య్ నేతృత్వంలోని టీవీకే (TVK)తో జ‌త‌క‌ట్టిన విష‌యం తెలిసిందే. ఇప్పుడు మ‌రో ఎమ్మెల్యే కూడా వారి బాట‌లోనే ప‌య‌నిస్తున్నారు. ఎమ్మెల్యే ప‌ద‌వికి రాజీనామా చేసేందుకు సిద్ధ‌మ‌య్యారు (4th AIADMK MLA Set To Quit).

అంబసముద్రం ఎమ్మెల్యే ఇసక్కి సుబ్బయ్య (Isakki Subbiah) ఇవాళ అసెంబ్లీ స్పీక‌ర్ జేసీడీ ప్ర‌భాక‌ర్‌ను క‌లిశారు. ఈ సంద‌ర్భంగా రాజీనామా లేఖ‌ను స‌మ‌ర్సించారు. అయితే, అది టైప్ చేసి ఉండ‌టంతో ఆ లేఖ‌ను స్పీక‌ర్ ఆమోదించేందుకు నిరాక‌రించారు. రాజీనామా లేఖ‌ను త‌న స్వ‌హ‌స్తాల‌తో రాసి స‌మ‌ర్పించాల‌ని సుబ్బ‌య్య‌కు సూచించారు. దీంతో ఆయ‌న మ‌ళ్లీ త‌న రిజైన్ లెట‌ర్‌ను చేత్తోరాసి స్పీక‌ర్‌ను క‌లవ‌నున్నారు. రాజీనామా తర్వాత సుబ్బ‌య్య కూడా టీవీకే తీర్థం పుచ్చుకునే అవ‌కాశం ఉంది.

ఇక ఇప్ప‌టికే ముగ్గురు ఏఐఏడీఎంకే రెబ‌ల్ ఎమ్మెల్యేలు రాజీనామా చేసి టీవీకేలో చేరిన విష‌యం తెలిసిందే. మదురాంతకం నియోజకవర్గం నుంచి గెలిచిన మరగాథం , ధారాపురం నుంచి గెలిచిన సత్యభామ, పెరుందురై నుంచి ఎన్నికైన జయకుమార్ నిన్న త‌మ రాజీనామా లేఖ‌ల‌ను స్పీక‌ర్‌కు స‌మ‌ర్పించ‌గా.. ఆయ‌న వాటిని ఆమోదించారు. ఆ త‌ర్వాత ఆ ముగ్గురూ ఆ త‌ర్వాత వెంట‌నే వారు టీవీకే (TVK) మంత్రి ఆదవ్ అర్జునను క‌లిసి ఆ పార్టీలో చేరారు.