Anjali Heroine in Makutam | విశాల్ ‘మకుటం’లో హీరోయిన్‌గా అంజలి.. నవ్వులు పూయిస్తున్న కాన్సెప్ట్ వీడియో!

Anjali Heroine in Makutam | త్రినేత్ర.న్యూస్ : విశాల్, అంజలి కాంబినేషన్‌కు ప్రేక్షకుల్లో ఎంతటి క్రేజ్ ఉందో ప్రత్యేకంగా చెప్పనక్కర్లేదు. ఇప్పుడు ఈ హిట్ పెయిర్ మరోసారి వెండితెరపై మ్యాజిక్ చేయడానికి సిద్ధమైంది. ప్రతిష్టాత్మక నిర్మాణ సంస్థ సూపర్ గుడ్ ఫిల్మ్స్ బ్యానర్‌పై ఆర్.బి. చౌదరి నిర్మాణంలో వస్తున్న 99వ చిత్రం ‘మకుటం’. యాక్షన్ హీరో విశాల్ తొలిసారిగా మెగాఫోన్ పట్టి స్వీయ దర్శకత్వంలో ఈ చిత్రాన్ని తెరకెక్కిస్తున్నారు. ఇప్పటివరకు విడుదలైన కంటెంట్, పోస్టర్లు చూస్తుంటే ఇదొక విభిన్నమైన యాక్షన్ ఎంటర్‌టైనర్ అని స్పష్టమవుతోంది. తాజాగా ఈ మూవీలో హీరోయిన్‌గా అంజలి నటించనున్నట్లు చిత్రయూనిట్ అధికారికంగా ప్రకటించింది.

ఈ ప్రకటన కోసం విశాల్, అంజలి కలిసి చేసిన ఓ కాన్సెప్ట్ వీడియో ఇప్పుడు సోషల్ మీడియాలో ట్రెండింగ్‌గా మారింది. ఈ వీడియోలో దర్శకుడి అవతారంలో ఉన్న విశాల్.. హీరోయిన్ అంజలి వద్దకు వెళ్లి కథ చెప్పే ప్రయత్నం చేస్తాడు. "కథ చెప్పండి డైరెక్టర్ గారు" అని అంజలి అడగ్గానే.. "ఒక అందమైన గ్రామం.." అంటూ విశాల్ మొదలుపెడతాడు. వెంటనే అంజలి కల్పించుకుని "అది ప్రొడక్షన్ వాళ్లు చూసుకుంటారు కదా.. ముందు మీరు కథ చెప్పండి" అంటూ కౌంటర్ వేస్తుంది. విశాల్ అలా ఏదోదో చెబుతుండగా మధ్యలో అంజలి సెటైర్లు వేయడం, చివరికి "అసలు మీ దగ్గర కథ ఉందా?" అని ఆమె అడిగేసరికి విశాల్ అక్కడి నుంచి పారిపోవడం.. ఈ వీడియోలో ఆద్యంతం నవ్వులు పూయిస్తోంది.

"మంచి కథ అని మేనేజర్ చెప్పారే.. విశాల్ ఏంటి ఇలా చెబుతున్నాడు" అని అంజలి అనుకుంటుండగా.. "కథ అడుగుతోందే.. ఎలా.. రేపు వచ్చి మరో కథ చెబుదాం" అని విశాల్ అక్కడినుంచి మెల్లగా జారుకోవడం ప్రేక్షకులను విశేషంగా ఆకట్టుకుంటోంది. వినూత్నంగా ప్లాన్ చేసిన ఈ కాన్సెప్ట్ వీడియో ద్వారా సినిమాపై ఒక్కసారిగా ఆసక్తిని పెంచేశారు. జీవీ ప్రకాష్ కుమార్ సంగీతం అందిస్తున్న ఈ ప్రాజెక్టుకు విశాల్ స్వయంగా స్క్రీన్ ప్లే, దర్శకత్వ బాధ్యతలు నిర్వర్తిస్తుండటం విశేషం. ఈ చిత్రానికి సంబంధించిన మరిన్ని అప్‌డేట్స్ త్వరలోనే ప్రకటించనున్నారు.

A Hilarious Announcement@yoursanjali Comes On Board For #Makutam & @VishalKOfficial ’s Narrative Generates Laughs#MAGUDAM #Vishal35 #SGF99 @officialdushara @iyogibabu @dir_raviarasu @SuperGoodFilms_ #SampathRaj @Richardmnathan @srikanth_nb @g_durairaj @dhilipaction… pic.twitter.com/FLdpkPWYLx

— Suresh Kondeti (@santoshamsuresh) April 25, 2026