KTR Announces Constituency In-charges | జగిత్యాల బీఆర్ఎస్ గర్జన: కేసీఆర్ భారీ సభకు ఇన్‌చార్జీలను ప్రకటించిన కేటీఆర్

KTR Announces Constituency In-charges | త్రినేత్ర.న్యూస్ : బీఆర్ఎస్ అధినేత కేసీఆర్ ఆదేశాల మేరకు పార్టీ శ్రేణులు జగిత్యాల బహిరంగ సభ ఏర్పాట్లలో నిమగ్నమయ్యాయి. ఈ నెల 20న జగిత్యాలలో తలపెట్టిన ఈ భారీ సభను బీఆర్ఎస్ అత్యంత ప్రతిష్టాత్మకంగా తీసుకుంది. రానున్న రాజకీయ పరిణామాల నేపథ్యంలో ఈ సభ ద్వారా బలమైన సందేశం ఇవ్వాలని పార్టీ భావిస్తోంది. ఈ క్రమంలో సభను విజయవంతం చేసే బాధ్యతను సీనియర్ నాయకుల భుజస్కంధాలపై పెట్టింది. ఈ సభా ఏర్పాట్లపై దృష్టి సారించిన పార్టీ వర్కింగ్ ప్రెసిడెంట్ కేటీఆర్.. ముఖ్యంగా జగిత్యాల జిల్లా పరిధిలోని ఐదు ప్రధాన నియోజకవర్గాలకు ప్రత్యేక ఇన్‌చార్జీలను ఖరారు చేస్తూ మంగళవారం ప్రకటన విడుదల చేశారు.

నియోజకవర్గాల వారీగా ఇన్‌చార్జీల జాబితా

సమీప నియోజకవర్గాల నుంచి భారీ ఎత్తున జన సమీకరణ చేసేందుకు కీలక నేతలకు బాధ్యతలు అప్పగించారు.

జగిత్యాల: పల్లా రాజేశ్వర్ రెడ్డి (జనగామ ఎమ్మెల్యే)

కోరుట్ల: ప్రశాంత్ రెడ్డి (బాల్కొండ ఎమ్మెల్యే)

ధర్మపురి: ఎల్. రవీందర్ రావు (ఎమ్మెల్సీ)

వేములవాడ: బాల్క సుమన్ (మాజీ ఎమ్మెల్యే)

చొప్పదండి: పెద్ది సుదర్శన్ రెడ్డి (మాజీ ఎమ్మెల్యే)

నిర్వహణ బాధ్యతలు వారిదే

క్షేత్రస్థాయిలో ఉంటూ సభకు వచ్చే జన సమీకరణ, ప్రాంగణంలో చేయాల్సిన వసతుల ఏర్పాట్లు, ఓవరాల్ సభా నిర్వహణ బాధ్యతలను పార్టీ సీనియర్ నేతలు గాదరి బాలమల్లు, మారెడ్డి శ్రీనివాస్ రెడ్డి పర్యవేక్షించనున్నారు. సభ ముగిసే వరకు వీరు అక్కడే ఉండి అన్ని ఏర్పాట్లను సమన్వయం చేస్తారని కేటీఆర్ స్పష్టం చేశారు. పార్టీ నాయకులు, కార్యకర్తలు, శ్రేణులు అందరూ సమన్వయంతో కష్టపడి పనిచేసి జగిత్యాల సభను చరిత్రాత్మక విజయంగా మలచాలని కేటీఆర్ ఈ సందర్భంగా పిలుపునిచ్చారు.