Liquid Gas Truck | లిక్విడ్ గ్యాస్‌తో వెళ్తున్న ట్ర‌క్కు బోల్తా.. షాకింగ్ విజువ‌ల్స్‌

Liquid Gas Truck | చిలీ (Chile)లో ప్ర‌మాదం చోటుచేసుకుంది. రాజ‌ధాని శాంటియాగో (Santiago)లో లిక్విడ్ గ్యాస్‌తో వెళ్తున్న ట్ర‌క్కు (Liquid Gas Truck) బోల్తా ప‌డింది. ఆ త‌ర్వాత భారీ శబ్దంతో పేలిపోయింది. ఈ ఘ‌ట‌న‌లో న‌లుగురు వ్య‌క్తులు ప్రాణాలు కోల్పోయారు. సుమారు 17 మంది గాయ‌ప‌డిన‌ట్లు అధికారులు తెలిపారు.

ట్ర‌క్కు హైవేపై వెళ్తుండ‌గా.. ఒక్క‌సారిగా అదుపుత‌ప్పి బోల్తాప‌డింది. ఆ త‌ర్వాత పేలిపోయి గ్యాస్ మొత్తం బ‌య‌ట‌కు వ‌చ్చేసింది. ఈ ఘ‌ట‌న‌తో ఆ మార్గంలో వెళ్తున్న వాహ‌నాలు ఎక్క‌డిక‌క్క‌డ నిలిచిపోయాయి. కాసేప‌టికే అక్క‌డ మంట‌లు వ్యాపించాయి. లిక్విడ్ గ్యాస్ పేల‌డం వ‌ల్ల సుమారు 150 నుంచి 200 మీట‌ర్ల ప‌రిధి వ‌ర‌కు మంట‌లు వ్యాపించాయి. ఈ ప్ర‌మాదంలో క‌నీసం 50 వాహ‌నాలు దెబ్బ‌తిన్నాయి. ప్ర‌మాదం ప‌ట్ల దేశాధ్య‌క్షుడు గాబ్రియ‌ల్ బోరిస్ విచారం వ్య‌క్తం చేశారు. ఇక ఈ ప్ర‌మాదంలో గాయ‌ప‌డిన ఐదుగురి ప‌రిస్థితి విష‌మంగా ఉన్న‌ట్లు శాంటియాగో మెట్రోపాలిటన్ ప్రాంత గవర్నర్ క్లాడియో ఒరెగో తెలిపారు. ప్ర‌మాదానికి గ‌ల కార‌ణాలు తెలియ‌రాలేదు. ఘ‌ట‌న‌కు సంబంధించిన భయాన‌క దృశ్యాలు కెమెరాకు చిక్కాయి. అవి సోష‌ల్ మీడియాలో వైర‌ల్‌గా మారాయి.

https://x.com/Schallabweiser2/status/2024866853672169793