Road Accident | ఆమెకు ఇంకా భూమ్మీద నూక‌లు ఉన్న‌య్.. వీడియో

Road Accident | త్రినేత్ర న్యూస్ : చావు ఎలా వ‌స్తుందో ఎవ‌రికి తెలియ‌దు. ఒక్కొక్క‌రిని ఒక్కో రూపంలో మృత్యువు బ‌లి తీసుకుంటుంది. కొంద‌రు అనారోగ్యానికి గురై మ‌ర‌ణిస్తే.. మ‌రికొంద‌రు రోడ్డు ప్ర‌మాదాల‌కు( Road Accident ) గురై దుర్మ‌ర‌ణం చెందుతుంటారు. కానీ ఈ రోడ్డు ప్ర‌మాదాల వ‌ల్ల బ‌తికి బ‌య‌ట‌ప‌డితే.. అలాంటి వారిని మృత్యుంజ‌యులుగా పేర్కొంటారు. అయితే ప్ర‌మాదం నుంచి వెంట్రుక వాసిలో బ‌య‌ట‌ప‌డితే.. ఇంకా భూమ్మీద నూక‌లు ఉన్న‌య్ అని చెబుతుంటారు. అచ్చం ఇలాంటి ఘ‌ట‌నే ఇది.

సీసీటీవీ ఫుటేజీ ప్ర‌కారం అక్టోబ‌ర్ 8వ తేదీన ఉద‌యం 10:07 గంట‌ల‌కు ఈ ప్ర‌మాదం జ‌రిగింది. ప్ర‌ధాన ర‌హ‌దారిపై ద్విచ‌క్ర వాహ‌నాలు వేగంగా దూసుకెళ్తున్నాయి. ఓ దారి నుంచి ట్ర‌క్కు వేగంగా దూసుకువ‌స్తోంది. అయితే యాక్టివాపై వ‌స్తున్న ఓ యువ‌తిని ఆ ట్ర‌క్కు ఢీకొట్టింది. కానీ వెంట్రుక‌వాసిలో ప్ర‌మాదం నుంచి త‌ప్పించుకుంది. ట్ర‌క్కు ముందు భాగాన్ని ఆమె ప‌ట్టుకుని ప్రాణాల‌తో బ‌య‌ట‌ప‌డింది. ఆ త‌ర్వాత అటు నుంచి వెళ్లిపోయింది. ఈ ప్ర‌మాద ఘ‌ట‌న‌కు సంబంధించిన వీడియో నెట్టింట వైర‌ల్ అవుతోంది. అయితే ప్ర‌మాదం ఎక్క‌డ జ‌రిగింద‌నే వివ‌రాలు మాత్రం తెలియ‌రాలేదు.

ఇంకా భూమి మీద నూకలు ఉన్నాయ్ https://t.co/vJn8PiDCtY

— Shiva🧘 (@Dagam_offl) October 9, 2026