Street Dog | అమాన‌వీయ ఘ‌ట‌న‌.. కుక్క‌మెడ‌కు ఇటుక క‌ట్టి.. న‌దిలోకి తోసేశారు

Street Dog | ఓ వీధి కుక్క (Street Dog) ప‌ట్ల కొంద‌రు యువ‌కులు అమానుషంగా ప్ర‌వ‌ర్తించారు. మూగ‌జీవి మెడ‌కు ఇటుక రాయిని క‌ట్టి ఓ న‌దిలో ప‌డేసి సునకానందం పొందారు. ఈ అమాన‌వీయ ఘ‌ట‌న బంగ్లాదేశ్‌లో చోటు చేసుకుంది. ఇందుకు సంబంధించిన వీడియో ఒక‌టి సోష‌ల్ మీడియాలో తెగ వైర‌ల్ అవుతోంది. ఆ వీడియో ప్ర‌కారం.. నర్సింగ్డి మోడల్ పోలీస్ స్టేషన్‌ పరిధిలోని నాగ్రియాకండి వంతెనపై ఈ ఘ‌ట‌న చోటు చేసుకుంది.

ఓ యువ‌కుడు కుక్క మెడ‌కు తాడు క‌ట్టాడు. ఆ తాడు చివ‌ర‌న ఇటుక రాయిని క‌ట్టి త‌న స్నేహితుడి సాయంతో ఆ కుక్క‌ను న‌దిలోకి విసిరేశాడు. దీంతో ఆ శున‌కం నీటిలో కొట్టుకుపోతూ ప్రాణాలు కాపాడుకునేందుకు తీవ్రంగా ప్రయత్నించింది. అయితే, ఇటుక బ‌రువు ఉండ‌టంతో ఆ మూగ‌జీవి నీటి ప్ర‌వాహంలో మునిగిపోయి కొట్టుకుపోయింది.

సోష‌ల్ మీడియాలో వైర‌ల్ అవుతున్న ఈ వీడియోపై నెటిజ‌న్లు, జంతు ప్రేమికులు ఆగ్ర‌హం వ్య‌క్తం చేస్తున్నారు. ఇది చాలా బాధ‌క‌ర‌మ‌ని, అమాన‌వీయ‌మైన చ‌ర్య అంటూ మండిప‌డుతున్నారు. జంతు సంరక్షణ చట్టం కింద నిందితుడిని శిక్షించాలంటూ డిమాండ్ చేస్తున్నారు. వీడియో ఆధారంగా కేసు న‌మోదు చేసిన పోలీసులు ద‌ర్యాప్తు చేప‌ట్టారు. నిందితుడిని మహమ్మద్ అలీగా గుర్తించి అరెస్ట్ చేశారు. అత‌డికి స‌హ‌క‌రించిన మ‌రో ముగ్గురి కోసం గాలిస్తున్నారు.

A innocent street dog brutually K!lled by Bangladeshi 🇧🇩young men.😡https://t.co/HPquWFSACn

— Musaltaa (☀️ ➡️ 🤲 × 5️⃣ = 🛐) (@Musaltaa) June 25, 2026