Mass Shooting | అమెరికాలో కాల్పులు.. 7 ఏండ్ల చిన్నారి స‌హా ఆరుగురు మృతి

త్రినేత్ర‌.న్యూస్‌: అమెరికాలో మ‌రోసారి కాల్పులు (Mass Shooting ) క‌ల‌క‌లం సృష్టించాయి. తూర్పు మిసిసిపీలోని (Mississippi) క్లే కౌంటీలో ఓ యువ‌కుడు త‌న‌ తండ్రి, సోద‌రుడు స‌హా ఆరుగురిని దారుణంగా కాల్చి చంపాడు. శుక్రవారం రాత్రి (అమెరికా కాల‌మానం) మూడు వేర్వేరు ప్రాంతాల్లో నిందితుడు కాల్పుల‌కు తెగ‌బ‌డ్డాడ‌ని వెల్ల‌డించారు. ప్ర‌స్తుతం అత‌డు త‌మ అదుపులోనే ఉన్నాడ‌ని చెప్పారు.

నిందితుడిని 24 ఏండ్ల డేరికా మూర్‌గా (Daricka Moore) గుర్తించామ‌ని క్లే కౌంటీ ష‌రీఫ్ ఎడ్డి స్కాట్ తెలిపారు. తొలుత త‌న తండ్రి, సోద‌రుడు, అంకుల్‌ను కాల్చి చంపాడ‌ని వెల్ల‌డించారు. అనంత‌రం ఓ ట్ర‌క్కును దొంగిలించి మ‌రో ప్రాంతానికి చేరుకున్నాడ‌ని, అక్క‌డ 7 ఏండ్ల చిన్నారిపై అత్యాచారం చేసి.. ఆమెను త‌ల‌పై కాల్చి చంపాడాన్నారు. అక్క‌డి నుంచి మ‌రో ప్రాంతానికి వ‌చ్చి ముగ్గురు పురుషుల‌ను చంపాడ‌ని తెలిపారు. వారిలో ఒక‌రు స్థానిక పాస్ట‌ర్ ఉన్నార‌ని చెప్పారు. శుక్ర‌వారం అర్ధ‌రాత్రి నిందితుడిని అరెస్టు చేశామ‌న్నారు. అత‌నిపై హ‌త్య కేసు న‌మోదుచేశామ‌ని, అత‌ని మాన‌సిక స్థితి స‌రిగ్గానే ఉంద‌ని తేలితే మ‌ర‌ణ శిక్ష ప‌డే అవ‌కాశం ఉంద‌ని చెప్పారు.