Ali Khamenei Wife Died | కన్నుమూసిన ఖమేనీ భార్య

Ali Khamenei Wife Died | ఇరాన్ అగ్రనేత (సుప్రీం లీడర్) అలీ ఖమేనీ భార్య మన్సూరే ఖొజాస్తే బాగెర్జాదే మృతి చెందినట్లు ఇరాన్ ప్రభుత్వ మీడియా ధృవీకరించింది. ఇటీవల అమెరికా-ఇజ్రాయెల్ సంయుక్తంగా జరిపిన దాడుల్లో అలీ ఖమేనీ సహా ఆయన బంధువులు ప్రాణాలు కోల్పోగా, తీవ్రంగా గాయపడిన మన్సూరే తాజాగా చికిత్స పొందుతూ కన్నుమూశారు. ఈ పరిణామం మధ్యప్రాచ్యంలో ఉద్రిక్తతలను మరింత పెంచే అవకాశం ఉంది.

మరోవైపు, ఇరాన్‌తో యుద్ధాన్ని తాము మొదలుపెట్టలేదని, అయినా కూడా తామే ముగిస్తామని యూఎస్ రక్షణ శాఖ మంత్రి పీట్ హెగ్‌సెత్ ప్రకటించారు. యూఎస్ ప్రెసిడెంట్ ట్రంప్ నాయకత్వంలో తాము దీనిని ఖచ్చితంగా ముగిస్తామని స్పష్టం చేశారు. ఈ యుద్ధం మరో ఇరాక్ కాకూడదని పేర్కొన్నారు. అణ్వాయుధాల తయారీ కోసం ఇరాన్ బ్లాక్‌మెయిల్‌కు పాల్పడుతోందని హెగ్‌సెత్ ఆరోపించారు. ఈనేపథ్యంలో ఇరాన్ ఎలాంటి అడుగు వేస్తుందో వేచి చూడాలి.