Iran Fires 40 Missiles | 40 క్షిప‌ణులు, 230 డ్రోన్లు.. యూఎస్‌, ఇజ్రాయెల్ స్థావ‌రాల‌పై ఇరాన్ భీక‌ర దాడులు

Iran Fires 40 Missiles | ప‌శ్చిమాసియాలో ఉద్రిక్త‌త‌లు ఐదో రోజుకు చేరుకున్నాయి. అమెరికాపై ఇరాన్ ప్ర‌తిదాడుల‌ను తీవ్ర‌త‌రం చేసింది. ఈ నేప‌థ్యంలో ఇస్లామిక్ రివ‌ల్యూష‌న‌రీ గార్డ్ కార్ప్స్ తాజాగా కీల‌క ప్ర‌క‌ట‌న చేసింది. అమెరికా, ఇజ్రాయెల్ స్థావరాలపై (US-Israeli Targets) 17వ విడత దాడులను ప్రారంభించినట్లు అధికారికంగా ప్రకటించింది. దీన్ని 'ఆపరేషన్ ట్రూ ప్రామిస్ 4' గా పేర్కొంది.

అమెరికా, ఇజ్రాయెల్ లక్ష్యాలపై క్షిపణి దాడులు చేసిన‌ట్లు ఇరాన్ ప్ర‌క‌టించింది. సుమారు 40 క్షిపణులను (Iran Fires 40 Missiles) ప్రయోగించినట్లు వెల్ల‌డించింది. కువైట్, ఖతార్ , ఇరాక్​లోని అగ్రరాజ్య స్థావరాలపై 230 డ్రోన్లతో దాడులు చేసిన‌ట్లు తెలిపింది. హిందూ మహాసముద్రంలో ఒక అమెరికన్ యుద్ధనౌకపై దాడి జరిపినట్లు ఐఆర్​జీసీ తెలిపింది. దాడి సమయంలో ఒక అమెరికన్ ట్యాంకర్ నుంచి ఇంధనం నింపుకుంటోందని, ఈ దాడి కారణంగా రెండు నౌకలలోనూ మంటలు చెలరేగినట్లు వెల్ల‌డించింది.

మ‌రోవైపు ప్ర‌పంచ ఇంధ‌న ర‌వాణాకు జీవ‌నాడి అయిన హ‌ర్ముజ్ జలసంధి (Strait Of Hormuz)పై కూడా ఐఆర్‌జీసీ కీల‌క ప్ర‌క‌ట‌న చేసింది. ఈ జ‌ల‌సంధిపై పూర్తి నియంత్రణ తమకు ఉంద‌ని వెల్ల‌డించింది. ఈ మేర‌కు జలసంధిలో చమురు నౌకలకు అమెరికా సైన్యం రక్షణ కల్పిస్తుందని ట్రంప్ ప్రకట‌న‌కు కౌంట‌ర్ ఇచ్చింది. ఈ జలసంధి నుంచి ఏమైనా నౌకలు ప్రయాణిస్తే ధ్వంసం చేస్తామని మ‌రోసారి హెచ్చిరించింది.

Also Read..

Irans Supreme Leader | ఇరాన్ కొత్త‌ సుప్రీం లీడర్ కూడా మా టార్గెటే : ఇజ్రాయెల్ హెచ్చరిక

Indian Army Foils Infiltration Bid | హోలీ వేళ‌ ఎల్‌వోసీ వ‌ద్ద క‌ల‌క‌లం.. చొర‌బాటు య‌త్నాన్ని అడ్డుకున్న సైన్యం

Moon | కుచించుకుపోతున్న చంద్రుడు.. ఉన్న‌ట్లుండి మాయ‌మైతే ఏం జ‌రుగుతుంది..?